Sehar Khan Ka Bachon Ki Parwarish Ke Liye Ahem Paighaam
Mashhoor adakara Sehar Khan ne next generation ke bachon ki parwarish ke bare mein ek zaroori paighaam diya. Unka kehna hai ke bachon ko mil jul kar rehna, mohabbat karna aur narmi se baat karna sikhana chahiye taake woh larna jhagra karne ke bajaye achhi baaton aur ek jaisi soch par tawajjo dein.
Zill-e-Shah Wala Andaaz! Shaan Shahid Ki Film Bullah Ka Gaana Fans Ko Pasand Aa Gaya
Pakistan ke superstar Shaan Shahid apni nayi film Bullah ke sath dhamakedar wapsi kar rahe hain. Unhon ne film ka naya spiritual gana ‘Lajpalan’ share kiya hai, jis mein wo apne purane mashhoor Zill-e-Shah wale andaz mein darbar par dhamal daltay nazar aa rahe hain. Fans is naye kalam aur Shaan ki acting ko bohat pasand kar rahe hain.
Apni Marhooma Walida Ko Yaad Karte Hue Sahar Hashmi Jazbaati Ho Gayeen
Sahar Hashmi apni marhooma walida ko yaad karte hue jazbaati ho gayeen. Unhon ne ek intehai dukh bhari video share ki jis mein wo apni walida ki judai ka gham bayan kar rahi hain. Sahar ka kehna tha ke kuch din un par bohot bhari guzarte hain aur wo hamesha apni maa ki maujoodgi ko mehsoos karti hain.
Log Samajhte Hain Main Pehle Se Shadi Shuda Hoon, Main Single Reh Kar Bohat Khush Hoon: Ali Rehman Khan
Actor Ali Rehman Khan ne apni single life par khamoshi tod di hai. Unka kehna hai ke log aksar samajhte hain ke woh shadi shuda hain, lekin haqeeqat mein woh apni single zindagi se bohot khush hain. Unhon ne wazeh kiya ke filhal woh kisi khas kism ki khatoon ki talaash mein nahi hain aur apni azadi ko enjoy kar rahe hain.
Zoya Nasir Ne Apne Father Ki Birthday Par Emotional Message Share Kiya
Mashhoor adakaara Zoya Nasir ne apne waalid aur legend scriptwriter Nasir Adeeb ki 86th birthday par ek jazbati post share ki hai. Unhon ne apne waalid ko apna pehla “superhero” aur “gentleman” qarar dete hue unki shakhsiyat aur hamesha “suited and booted” rehne ke andaz ki tareef ki. Fans is khoobsurat baap beti ki jori ko bohat pasand kar rahe hain.
“Main Aaj Tak Shoaib Malik Se Mili Bhi Nahi Hoon” Vaneeza Sattar Ne Shadi Ki Jhooti Afwahon Par Khamoshi Tod Di
Vaneeza Sattar ne cricketer Shoaib Malik ke sath shadi ki afwahon ko Jhoot Karar Dia. Ek interview mein unhon ne bataya ke wo aaj tak Shoaib Malik se mili bhi nahi hain. Vaneeza ne kaha ke aisi jhooti khabrain kisi ki zati zindagi ko mutasir karti hain aur unhon ne kabhi apni mashhoori ke liye ye afwah nahi phelayi.
Rajab Butt Ne Apni Biwi Eman Fatima Ko Dhoka Dene Ka Aitraaf Kar Liya
Famous vlogger Rajab Butt ne apni biwi Eman Fatima ko pregnancy ke doran dhoka dene ka aitraaf kar liya hai. Rajab ne bataya ke unhon ne publically maafi maangi aur badlay mein Eman ko iPhone 17 bhi diya. Social media par log is confession se kaafi gusse mein hain aur Rajab ki sakht mazammat kar rahe hain.
Mamya Shajaffar Ne Apni Dardnaak Bimari Ka Raaz Sab Ke Samne Khol Diya
Pakistani actress Mamya Shajaffar ne apni health se mutalliq ahem baat share ki hai. Unhon ne bataya ke woh L*upus jaisi a*utoimmune disease ka samna kar rahi hain. Mamya ne himmat ke sath apni journey share ki taake awareness barh sake. Celebrities jaise Ayeza Khan aur Hira Mani ne unke liye support aur duaen bheji hain.
Sidra Niazi Ne Apne Husband Ke Bare Mein Details Share Ki
Sidra Niazi ne show Hasna Mana Hai mein apne mysterious husband ke baare mein baat ki. Unhon ne bataya ke unke husband Lahore ke khanon ke bohat shoqeen hain aur apna naam public nahi karna chahte. Host Tabish Hashmi ne bhi reveal kiya ke interview se pehle kai calls aayi theen ke unka naam bilkul mention na kiya jaye.
Adnan Siddiqui Ne Kaha Ke Mere Paas Tum Ho Mein Mehwish Hi Asli Villain Thi
Pakistani actor Adnan Siddiqui ne mashhoor drama Mere Paas Tum Ho ke characters par apni raye di hai. Unka kehna hai ke Shehwar asal villain nahi tha. Unke mutabiq Shehwar ne shuru se sach bola tha jabke Mehwish ne apne faislon ki wajah se zyada ghalti ki, is liye unhein villain kaha ja sakta hai.