“Shohar Dusri Shadi Karna Chahein To Kar Sakte Hain”; Dr. Nabiha Ali Khan Ka Shohar Ki Dusri Shadi Par Naya Bayan
Dr Nabiha ne mardon ki dusri shadi par baat karte hue kaha hai ke agar unke shohar Haris Khokhar dusri shadi karna chahein to unhein ijazat hai aur unhein is par koi aitraz nahi hoga. Nabiha ne mardon ke flirt karne par kaha ke aaj kal ki auratein mardon se zyada khud is tarah ke rawayye ko honsla deti hain.
“Mera Salman Khan Se Koi Mawazna Nahi”; Hath Hilane Par Trolling Ka Nishana Banne Wale Rajab Butt Ka Karara Jawab
Rajab Butt ne Bollywood superstar Salman Khan se khud ke mawaznay par khamoshi tod di hai. Nadir Ali ke podcast mein baat karte hue unhon ne kaha ke unhein koi galat-fehmi nahi hai aur Salman Khan ka aik alag maqam hai. Rajab ke mutabiq, meet-and-greet event par fans ko hath hilanay par logon ne bila-wajah unka mazaq udaya.
Tights Par Wazahat Se Fans Mutmaeen Na Hue, Social Media Par Phir Tanqeed
Dananeer Mobeen ko London ke safar ke doran mini skirt ke sath pehni gayi tights par sakht tanqeed ka samna hai. Logon ne un par skin dikhane ka ilzaam lagaya, jis par Dananeer ne wazahat ki ke unki tights “fleece-lined” thin jo sirf skin ka dhoka deti hain aur wo mukammal taur par cover thin.
Mardon Ki Bewafai Ki Zimmedar Aurat Hai; Khalil Ur Rehman Qamar
Mashhoor writer Khalil ur Rehman Qamar ne shadi mein mardon ki bewafai ka zimmedar auraton ko thehra diya hai. Unka kehna hai ke mard doosri aurat ki peshkash ko thukra nahi sakta, is liye biwiyon ko mardon ke bajaye un “doosri auraton” ke khilaaf ehtijaj karna chahiye jo ghar todti hain.
Pakistani Sitaare “Met Gala” Ke Red Carpet Par
Pakistani sitaron ne AI technology ka istemal karte hue “Met Gala” ke carpet par apne khayali looks share kiye hain. Azfar Rehman, Ahmed Ali Butt aur Qudsia Ali samait kayi adakaaron ki ye viral tasaveer dekh kar fans hairan reh gaye. In tasaveer mein dikhaya gaya hai ke agar Pakistani celebrities is bade event ka hissa hote to wo kaise lagte.
Showbiz Walay Paison Ke Liye Jhoot Dikhate Hain; Hira Mani
Adakaara Hira Mani ne showbiz industry ke baaray mein aik bada bayan diya hai. Unka kehna hai ke showbiz se taluq rakhne wale log paison ki khatir jhoot dikhate hain aur isi jhoot ko aage barhatay hain. Unke is bayan ne social media par aik nayi bahas chher di hai.
“Ab Sirf Apni Sehat Par Tawajjo Hai”; Zara Tareen Ka Mushkil Waqt Ke Baad Zindagi Mein Aane Wali Tabdeeliyon Par Bayan
Adakaara Zara Tareen ne apni zindagi ki mushkilat aur heartbreak par khul kar baat ki hai. Unhon ne bataya ke takleef-deh halat ke baad ab woh sirf apni sehat aur zaat par tawajjo de rahi hain. Zara ka manna hai ke akele waqt guzarnay se insaan ko apni fitrat samajhne aur purani galtiyan na dohrane mein madad milti hai.
Shahzad Nawaz Ko Podcast Mein Smoking Karna Mehnga Par Gaya; Social Media Par Ghair Zimmedarana Rawayye Par Fans Barham
Adakaar Shahzad Nawaz ko podcast ke doran cigarette noshi karne par sakht tanqeed ka samna hai. Sarifeen ka kehna hai ke interview ke doran smoking karna ghalat tarz-e-amal hai aur ye akhlaqiyat ke khilaaf hai. Logon ne mashwara diya ke unhein on-screen aisi ghair-zimmedarana rawayye se parhez karni chahiye.
“Wo Mera Account Nahi Tha”; Zoha Waseem Ka Alizeh Shah Ke Sath Shuru Hone Wali Behas Par Bara Inkishaaf
Singer Zoha Waseem ne Alizeh Shah ke sath lafzi jung ki tardeed kar di hai. Unhon ne wazahat ki ke Twitter par Alizeh ko jawab dene wala account fake tha. Zoha ka kehna hai ke unka sirf aik hi official account hai aur wo X (Twitter), Threads ya YouTube par mojood nahi hain.
“Danish Taimoor Maghroor Ho Gaye Hain”; Uzma Tahir Ka Adakaar Ke Badle Hue Rawayye Par Sakht Radd-e-Amal
Uzma Tahir ne Danish Taimoor ko sakht tanqeed ka nishana banate hue unhein arrogant kaha. Unhon ne kaha ke Danish apni kamyabi ke baad purane sathiyon ko bhool gaye hain aur unhon ne Uzma ke podcast mein aane se bhi inkar kar diya. Uzma ne Danish ke purane dinon ki yaad dilate hue kaha ke unhein apni shuruat nahi bhoolni chahiye.