“Mujhe Zindagi Mein Kabhi Kisi Larki Se Mohabbat Nahi Hui, Mohabbat Ka Junoon University Mein Hota Hai, Main Wahan Kabhi Gaya Hi Nahi, 17 Saal Ki Umar Mein Hi Kaam Shuru Kar Diya Tha”; Rajab Butt
Youtuber Rajab Butt ne bataya ke unhein apni zindagi mein kabhi kisi larki se mohabbat nahi hui. Unke mutabiq mohabbat ka junoon aksar university life mein hota hai, par unhone kabhi university ka rukh nahi kiya kyunke unhon ne 17 saal ki umar mein hi kaam karna shuru kar diya tha.
“Hum Itna Maa Ko Na De Paye Jitna Woh Sadqa Utara Karti Thi”; Umair Jaswal Ka Maa Ki Qurbaniyon Par Jazbati Bayan
Umair Jaswal ne maa ki mohabbat aur qurbanion par baat karte hue paigham share kiya hai. Unka kehna hai ke hum apni zindagi mein chahe jitna bhi kama lein, hum apni maa ke piyaar, duaoon aur unke sadqay ka karz kabhi nahi utaar sakte. Umair ke is jazbati bayaan ne social media par fans ke dilon ko chhoo liya hai.
“Maa Khilaaf Thi Magar Bete Ne Shadi Ke Liye Hosla Diya” Atiqa Odho Ne Zindagi Ka Bara Raaz Faash Kar Diya
Atiqa Odho ne drama serial Kafeel ke aakhri episode par comment karte hue kirdaar “Subuk” ka comparison apne bete Bilal se kiya hai. Unhon ne inkishaaf kiya ke jab unki divorce hui to unke bete Bilal ne hi unhein teesri shadi karne ke liye honsla diya, jabki unki maa is faisle ke khilaaf thin.
Ushna Shah Ne Fans Ke Sath Pregnancy News Share Kar Di
Adakaara Ushna Shah ne social media par apni pregnancy ka elan kar ke fans ko hairan kar diya hai. Unhon ne apne shohar Hamza Amin ke sath aik khubsoorat photoshoot share kiya, jis mein dono ne safaid rang ke kapray pehne hue hain. Ushna ne tasaveer ke sath likha ke is garmiyon mein unke ghar khushkhabri aane wali hai.
Kinza Hashmi Aur Ali Raza Ne Apne Relationship Ki Reality Bata Di
Kinza Hashmi aur Ali Raza ne inkishaaf kiya hai ke dosti se pehle woh aik doosre ke dushman the. Aik shoot ke doran galat-fehmiyon ki wajah se dono ke darmiyan larai shuru hui. Baad mein airport par mulaqaat ke doran baatein saaf huin aur ab dono behtareen dost ban chuke hain.
Mehndi Green Jora Aur Anokha Chashma: Hania Aamir Apne Naye Look Par Sakht Tanqeed Ki Zad Mein.
Adakaara Hania Aamir ko aik event mein unke ajeeb-o-ghareeb look ki wajah se sakht tanqeed ka samna hai. Unhon ne mehndi green shalwar qameez ke sath chashma pehna, jis par fans ne unka mazaq udaya. Viewers ne unka mawazna “retired sarkari teacher” aur Begum Nawazish Ali se kar diya.
“Shohar Dusri Shadi Karna Chahein To Kar Sakte Hain”; Dr. Nabiha Ali Khan Ka Shohar Ki Dusri Shadi Par Naya Bayan
Dr Nabiha ne mardon ki dusri shadi par baat karte hue kaha hai ke agar unke shohar Haris Khokhar dusri shadi karna chahein to unhein ijazat hai aur unhein is par koi aitraz nahi hoga. Nabiha ne mardon ke flirt karne par kaha ke aaj kal ki auratein mardon se zyada khud is tarah ke rawayye ko honsla deti hain.
“Mera Salman Khan Se Koi Mawazna Nahi”; Hath Hilane Par Trolling Ka Nishana Banne Wale Rajab Butt Ka Karara Jawab
Rajab Butt ne Bollywood superstar Salman Khan se khud ke mawaznay par khamoshi tod di hai. Nadir Ali ke podcast mein baat karte hue unhon ne kaha ke unhein koi galat-fehmi nahi hai aur Salman Khan ka aik alag maqam hai. Rajab ke mutabiq, meet-and-greet event par fans ko hath hilanay par logon ne bila-wajah unka mazaq udaya.
Tights Par Wazahat Se Fans Mutmaeen Na Hue, Social Media Par Phir Tanqeed
Dananeer Mobeen ko London ke safar ke doran mini skirt ke sath pehni gayi tights par sakht tanqeed ka samna hai. Logon ne un par skin dikhane ka ilzaam lagaya, jis par Dananeer ne wazahat ki ke unki tights “fleece-lined” thin jo sirf skin ka dhoka deti hain aur wo mukammal taur par cover thin.
Mardon Ki Bewafai Ki Zimmedar Aurat Hai; Khalil Ur Rehman Qamar
Mashhoor writer Khalil ur Rehman Qamar ne shadi mein mardon ki bewafai ka zimmedar auraton ko thehra diya hai. Unka kehna hai ke mard doosri aurat ki peshkash ko thukra nahi sakta, is liye biwiyon ko mardon ke bajaye un “doosri auraton” ke khilaaf ehtijaj karna chahiye jo ghar todti hain.