Usman Mukhtar ne drama Pamaal ki kamyabi par apna surprising reaction share kiya hai. Karachi Literature Festival mein baat karte hue unhon ne kaha ke drama acha laga tha, lekin unhein andaza nahi tha ke yeh itna bara hit ban jaye ga. Unke khayal mein sirf Saba Qamar ko pehle se yaqeen tha ke Pamaal audience ko bohat pasand aaye ga.

Mashhoor digital influencer aur clinical psychologist Dr. Nabiha Ali Khan ki singing social media par trolling ka shikar ho gayi. Lahore mein Basant celebrate karte hue unki aik video viral hui jismein woh Indian song Zihaal-e-Miskin gaati nazar aayin. Off-key singing par users ne unke confidence aur performance par mazaahiya comments kiye.

Juvaria Abbasi ne Ahmed Ali Butt ke podcast mein apni early marriage, divorce aur single mother honay ke safar par khul kar baat ki. Unhon ne kaha ke shadi aur phir divorce dono unke apne faislay thay, jin par unhein koi afsos nahi. Juvaria ne beti ko akelay parwarish denay ke challenges aur society ke pressure ka bhi zikr kiya.

Mashhoor anchor Iqrar Ul Hassan ki teenon biwiyan, Qurutulain, Farah aur Aroosa, Basant 2026 ke mauqay par aik sath jashan manati nazar aayin. Rooftop par li gayi tasveeron mein Iqrar Ul Hassan aur unka beta Pehlaj bhi mojood thay. Yeh visuals social media par viral ho gaye aur mukhtalif reactions samnay aaye.

Young actress Emaan Khan aur unke boyfriend Nawabzada Taimoor Raheel ke breakup ki khabrein social media par viral ho rahi hain. Taimoor ke Instagram comments, jahan unhon ne Emaan se talluq khatam honay ka ishara diya, ne fans ko hairan kar diya. Is ke baad Emaan Khan ne bhi Instagram stories ke zariye mardon ke rawaiyyon par tanqeed ki.

Singer Asim Azhar ne aik public conference mein kaha ke true love zindagi mein sirf aik dafa hota hai. Unke mutabiq attraction kai baar ho sakti hai, lekin asli pyaar bohat rare hota hai. Unka yeh statement social media par viral ho gaya, jise fans ne unki emotional maturity aur life growth ka sign qarar diya.

Pakistan ke mashhoor rapper aur Young Stunners ke member Talha Anjum ne mangni kar li hai. Unki mangni medical aesthetician aur social media influencer Zoiea Karim se hui. Karachi mein honay wali private ceremony mein qareebi dost aur family ne shirkat ki. Mangni ki tasveerain aur videos social media par tezi se viral ho rahi hain.

Pakistan ki mashhoor fashion designer Maria B ko bachon ke liye Kite Theme Collection launch karne par tanqeed ka samna hai. Unhon ne “The Kite Club” ke naam se collection introduce ki, jab ke isi doran Instagram par basant na mananay ka elan bhi kiya. Isi apparent contradiction par social media users ne unhein munafiqat ka nishana banaya.

Sanam-Jung ne apni beti Alaya ke saath ek dil ko choo lene wali video share ki hai. Video mein unhon ne apni beti ke future version ke liye emotional message diya, jismein woh kehti hain ke woh Alaya se bohot pyaar karti hain aur hamesha uska best chahti hain. Social media par fans unke maa-beti ke strong bond ki tareef karrahe hain

Pakistan ki mashhoor actress Saba Faisal ne apni birthday bohat hi style aur shauq se celebrate ki. Unke husband, bachay aur family members unke saath shamil hue. Saba ne bright outfit pehna, perfect hair aur makeup ke saath dance kiya aur apni sister ke saath stylish two-storied cake cut kiya. Fans ne unki khushi aur glam look ki tareef ki.