Pakistani actress Ramsha Khan ne inkishaaf kiya hai ke woh introvert hain aur stage par perform karte hue anxiety mehsoos karti hain. Eik interview mein unhone bataya ke award show mein 8 hazaar logon ko dekh kar woh ghabra gayi thin haath pair kanpne lage. Ramsha ne kaha, “Yeh ehsas acha nahi, samajh nahi aata kaise control karun.”

Bigg Boss 19 ki contestant Farhana Bhatt ke khandan ne Amal Mallik ki khaala Roshan Girri Bhinder ko “dehshat gard” kehne par 1 crore rupay harjane ka legal notice bhej dia! indian media ke mutabiq, Roshan ke eik interview ne naya tanaza khara kar dia. Farhana ke family ne kaha “Izzat aur waqar se legal rasta ikhtiyar kiya hai.”

Senior actor Mehmood Akhtar ne talk show Gup Shab mein khul kar kaha ke Pakistani dramas par Western agenda ka asar barhta ja raha hai! Unhone daawa kiya ke “West funded scripts” ban rahi hain jo hamari society aur culture ko tabah kar rahi hain. Mehmood Akhtar ne kaha “Drama makers khush hain, magar nateeje khatarnaak hain.

Senior actress aur host Iffat Omar ne hairat angez inkishaaf kiya ke showbiz mein “main apne aap ko faqeer ki tarah mehsoos karti thi” isi wajah se unhone kaam chhodne ka faisla kia. Iffat ne kaha, “Industry mein izzat aur sukoon kam hai, is liye maine door rehna behtar samjha.” Unka bayan social media par viral!

Morning show host Nida Yasir eik baar phir social media par tanqeed ka nishana ban gayi! Good Morning Pakistan ke latest episode mein unka over make-up look viral ho gaya. Fans ne kaha, “White base ne Nida ka natural complexion kharab kar dia.” Eik user ne likha, “Unka contour beard jaisa lag raha tha!”

Mashhoor actor Hamza Ali Abbasi ne podcast mein inkishaaf kiya ke unhone CSS exam shoqia tor par dia tha aur police officer ke tor par service bhi join ki thi ye sab eik shart ke nateejay mein hua jo unhone apni walida se lagayi thi. Hamza ne kaha, baad mein samjha ke meri fitrat sarkari naukri ke liye nahi.

Indian actor Shoaib Ibrahim ne dil dukha dene wala inkishaaf kiya ke unki ahliya Dipika Kakar liver cancer stage 2 se lar rahi hain. Shoaib ne social media par bataya ke hospital visits unki zindagi ka hissa ban chuka hain. Unhone kaha, “Report ka intezaar sabse mushkil hota hai dua hai sab kuch theek ho jaaye.”

Mashhoor drama writer aur director Khalil ur Rehman Qamar ko naa maloom shakhs ne nazebah video viral karne ki dhamki dete hue 1.5 crore rupay tawaan ka mutaalba kar dia! Lahore Police ne waqia ka notice le kar tehqiqaat shuru kar di hain. Khalil ur Rehman ne kaha “Mujhe musalsal bhatta khoron ki calls aur messages mil rahe hain.”

Mashhoor actress aur social media star Romaisa Khan ne hairat angez inkishaaf kiya ke unhe apne ex student ki taraf se shadi ki peshkash mili thi! Geo TV ke program Hansna Mana Hai mein unhone bataya ke woh 17 saal ki umar mein tuition deti thin iPhone khareedne ke liye. Romaisa ne kaha, “Peshkash par bas hans di.”

Pakistani ki mashhoor or dilon pay raaj karne wali Influencer aur TikTok Star Jannat Mirza ne apni behn Alishba Anjum ke sath Japan vacations ki tasveerain share ki. Eik follower ne comment kia, “Kya zindagi ka asal maqsad sirf ghoomna phirna hai?” Jannat ne bold reply dia, “Haan!” fans mein garam behas shuru.