Salman Khan ko misleading pan masala ads par legal notice ka samna! Rajasthan ke Kota Consumer Court ne unke khilaaf notice issue kiya hai. Shikayat mein kaha gaya ke Salman ne “saffron-infused pan masala” ka jhoota daawa karke consumers ko ghalat rah dikhayi. Petition mein kaha gaya “Youth ko ghalat paighaam diya ja raha hai.”

Director aur actor Sarmad Khoosat ne interview mein Fawad Khan aur Mahira Khan ke liye dil chhoo lene wali baat kahi! Unhone kaha, “Jab Fawad aur Mahira screen par saath hotay hain, to fireworks lagta hain.” Sarmad ne unki film Neelofar ko “beautiful aur hopeful project” qarar diya aur kaha, “Dono andar se bhi utne hi khoobsurat hain.”

Bollwood superstar Salman Khan ne eik baar phir social media par toofan macha diya! Unhon ne platform X (pehle Twitter) par apni do shirtless pictures share ki jahan woh dhoop mein khade nazar aaye. Caption likha: “Kuch hasil karne ke liye kuch chhodna padta hai yeh bina chhode hai.”

Morning show ke doran Javeria Saud ne eik dilchasp baat kahi ke agar mian achanak bohot khayal rakhne lagen aur bina wajah gifts dene lagen to iska matlab kuch gadbad hai shayad koi extramarital affair chal raha ho. Unhon ne hans kar kaha ke jab unke shohar aise behave karte hain, to woh foran shak kar leti hain.

Zara Noor Abbas eik baar phir apne bold dressing choice ki wajah se social media par tanqeed ka nishana ban gayi hain. Hal hi mein unhon ne apne web show mein mamu-sasur aur senior actor Adnan Siddiqui ka interview liya, jahan unka off-shoulder blouse aur skirt look fans ko pasand nahi aaya.

Mashhoor influencer Samiya Hijab ne apni life struggles ka zikar karte hue kaha ke woh apne liye nahi balke doosron ke liye kaam karti hain. Unhon ne bataya ke woh apni earning se kai ghar sambhal chuki hain aur ab unka agla maqsad eik orphanage banana hai, taake woh anath bachon ke liye kuch achha kar sakein.

Pakistan ki mashhoor actress Ramsha Khan ne khul kar bataya ke woh stage fright ka shikar hain. Unhon ne kaha ke woh eik introvert hain aur stage par aate hi unhein anxiety mehsoos hoti hai. Ramsha ne kaha ke jab woh award shows host karti hain to unke haath kanpte hain magar woh apni ghabrahat chhupa kar confident nazar aati hain.

Actress Saba Qamar ke Karachi par diye gaye bayan par social media par shor mach gaya, jis par unke dost Zahid Ahmed aur Faysal Qureshi samne aa gaye. Zahid ne kaha Saba mazboot khatoon hain aur baat ko context se nikaal kar viral kiya gaya. Faysal ne kaha Karachi pyara shehar hai lekin halat waqai behtar nahi.

Sonakshi Sinha ne interview mein apni saas ke saath khushgawar rishte ke bare mein bataya. Unhon ne bataya ke woh aur unki saas dono khana banana nahi jaanti, aur jab bhi baat hoti hai to saas pyaar se kehti hain, “Tum sahi ghar par aayi ho!” Sonakshi ne kaha ke shadi ke baad woh sasuraal ke saath hi rehti hain.

Mahira Khan ko Bollywood ke Shah Rukh Khan ki birthday wishes bhejne par social media par shiddat se tanqeed ka samna karna pada. Mahira ne Instagram par likha ke woh “Shah Rukh Khan ki number one fan” hain, magar kai users ne unhein “cringe” aur “nationless” keh kar nishana banaya.