Content creator Kanwal Aftab ne social media par apni abusive language ko defend karte hue kaha ke jo comments logon ne diye unke mutabiq reply milega. Kanwal aur Zulqarnain Sikandar ke YouTube aur social media fans ko interact karte hue Kanwal ne kaha, “Agar respect chahte ho to khud respectful raho.” Yeh response unke dancing aur personal attacks par aya hai.

Social media stars Rabeeca Khan aur Hussain Tareen ke Bali honeymoon videos par internet par sakht trolling shuru ho gayi hai. Bathtub aur romantic clips share karne par users ne content ko cringe aur private moments ko public karne par tanqeed ka nishana banaya. Kaafi logon ne privacy aur boundaries par sawal uthaye, jabkay trolling comments viral ho chuke hain.

Hania Aamir ke nikkah ki afwahein phir se tezz ho gayi hain jab unhon ne aik fan ke sawal par jawab diya, “Jumme ki dopahar.” Is comment ke baad social media par confusion phail gayi. Fans yeh samajh nahi pa rahe ke yeh mazaq tha ya shadi ki taraf ishara.

Actor Furqan Qureshi ne Mere Paas Tum Ho ki zabardast kamyabi aur Humayun Saeed ke saath kaam karne ka experience share kar diya hai. Bol Nights show mein unhon ne bataya ke is drama ne supporting actors ko bhi overnight star bana diya. Furqan ne Humayun Saeed ko humble, calm aur bohat kind insan bhi qarar diya.

Pakistani superstar Saba Qamar ne Javeria Abbasi ki tanqeed par react kar diya hai. Instagram par bayan dete hue Saba ne kaha ke “Astaghfirullah” kehna ghalat matlab mein liya gaya. Unka kehna tha ke yeh Allah se maafi mangnay ka lafz hai. Saba ne freedom of speech par bhi baat ki, jabkay social media par behas abhi jaari hai.

Actress Shameen Khan ne casting couch par bayan de kar nayi controversy chhed di hai. FHM podcast mein baat karte hue unhon ne kaha ke showbiz mein casting couch forcefully exist nahi karta balke yeh aik choice hoti hai. Unka kehna tha ke unhein apne 10 saal ke career mein kabhi aisi offer nahi hui.

Mashhoor TikToker Alina Aamir ki mobayyana leaked video ke case mein ahem paish raft samne aa gayi hai. Alina Aamir ne Instagram par video share kar ke bataya ke is maamlay par FIR darj ho chuki hai. Unka kehna hai ke fake video bananay aur share karne walon ke khilaaf sakht qanooni karwai ki jayegi aur kisi ko nahi bakhsha jayega.

Shameen Khan ne Fahad Mustafa ki alleged second marriage par apni raye de di hai. FHM podcast mein baat karte hue unhon ne kaha ke agar Fahad Mustafa shadi karna chahein aur financially afford kar sakte hon to is mein koi burai nahi. Unka kehna tha ke second marriage ghalat nahi hoti, bas pehli biwi ko chhorna ya ignore nahi karna chahiye.

Emerging actress Areej Tariq ne Hania Aamir ke saath kaam karne ka experience share kar diya hai. Maliha Rehman ke YouTube show par baat karte hue Areej ne kaha ke wo Hania ki bohat bari fan hain aur pehle scene mein kaafi nervous ho gayi thin. Unka kehna tha ke Hania bohat kind, supportive aur newcomers ke liye hamesha helpful hoti hain.

Mashhoor TV actress aur former supermodel Zainab Qayyum ne apni spiritual journey aur itekaff ke tajurbe par khul kar baat ki. Rafay Mehmood ke podcast mein unhon ne bataya ke Tahajjud ne unhein andaruni sukoon diya aur woh pichlay 13 saalon se baqaidgi se itekaff kar rahi hain, jahan woh duniya se mukammal taur par disconnect ho jati hain.