Legendary adakara Bushra Ansari ki beti Nariman Ansari ne apne maa baap ke rishtay par baat ki hai. Unhon ne bataya ke halankay unki shadi na chal saki, magar unke waalid Iqbal Ansari ne 80s aur 90s mein Bushra Ansari ke career ka bharpoor sath diya. Unho ne hi Bushra Ansari ko acting aur hosting ki taraf barhaya.
Mariyam Nafees ne jawan nasal ko mali tor par khud-mukhtar banne ka mashwara diya hai. Unhon ne kaha ke insaan ko apni jawani mein itna kama lena chahiye ke burhape mein woh kisi par bojh banne ke bajaye apna sahara khud ban sake. Fans unki is advice ko bohot pasand kar rahe hain.
Fawad Khan aur unki ahliya Sadaf Khan ne apne bete Ayaan Khan ki graduation ceremony mein shirkat ki hai. Is khushi ke mauqay par unhon ne apne bete ki is kamyabi ko aik saath celebrate kiya. Fans is khoobsurat family picture ko bohot pasand kar rahe hain aur Ayaan ke liye nek khwahishat ka izhaar kar rahe hain.
Aroosa Khan ne social media par apne shohar Iqrar-ul-Hassan ka difaa kiya hai. Hal hi mein Farah Nadeem ne Iqrar-ul-Hassan ki workout video par tanz karte hue kaha tha ke woh kam weight uthanay par bhi zyada acting kar rahe hain. Is bayaan ke baad Aroosa ne agay barh kar apne shohar ki himayat ki hai.
Nida Yasir ne aik interview mein apni shadi shuda zindagi aur shohar Yasir Nawaz ke baray mein baatein share ki hain. Unhon ne bataya ke shuru mein woh Yasir se thora darti thin aur unki shadi unke waldein ke rishtay se mukhtalif hai, kyun ke unhein har kaam ke liye Yasir se ijazat lena parti hai.
