Mariyam Nafees ne kaha hai ke shadi ke baad bachon ko alag rehne ki jagah dena hamare deen ka hissa hai. Unhon ne bataya ke wo apne bete ke liye abhi se zehen bana chuki hain ke wo shadi ke baad alag rahega. Mariyam ke mutabiq saas-bahu ke masail tab shuru hote hain jab baray samjhte hain ke wo hamesha sahi hain.
Adakaara Dananeer Mobeen ne betiyon ki kamyabi mein baap ke kirdar ko intehayi ahem qarar diya hai. Unhon ne kaha ke jin betiyon ke peeche unke baap ka sahara hota hai, wo har mushkil ka muqabla kar sakti hain. Dananeer ke mutabiq baap ka diya gaya aitmaad aur pyar koi dusra mard kabhi poora nahi kar sakta.
Rajab Butt ki walida ne kaha ke Eman aik achi larki thi magar wo bacha paida hone ke sirf 19 din baad ghar chor kar chali gayi aur wapas nahi aayi. Unhon ne kaha ke wo bahu se ghar ke kaam nahi karwati thin aur wo apne potay Kivan ko bohat yaad karti hain.
Ali Rehman Khan ne Inkishaaf kiya hai ke unhein kayi baar apni co-stars par crush raha hai, magar unhon ne kabhi iska izhaar nahi kiya. Unka kehna hai ke set par zyada waqt guzarnay ki wajah se dil ana aik fitri baat hai. Ali ne mazeed kaha ke unhon ne aaj tak kisi ko apna naam nahi bataya.
TikToker Alina Amir ne haal hi mein apni 22nd Birthday manayi hai, jis ki tasaveer aur videos social media par viral ho gayi hain. Copper gown aur glam look mein woh nazar ayi, Alina ki umar par internet sarifeen ne shak ka izhaar kiya hai. Bohat se logon ka manna hai ke wo 22 saal se kahin zyada bari lagti hain.
