Bushra Ansari ne Dr. Omer Adil par nishana lagate hue kaha ke wo purane actors ke khandan aur background ke baare mein ghalat baatein phela rahe hain. Unka kehna tha ke jo log m@r chuke hain, unki buraiyan karna munasib nahi. Magar social media par log Bushra Ansari aur unke shohar ko hi “apne gireban mein jhankne” ka mashwara de rahe hain.

Maryam Noor ne dunya ki be-hissi par comment karte hue kaha hai ke “Yahan koi apne dukh se itna dukhi nahi hota, jitna kisi ke sukh se dukhi hota hai.” Unka ye bayan social media par khoob viral ho raha hai, jahan sarfeen ise muashray mein barhti hui hasad aur jalan ki real wajah qarar de rahe hain.

Naeem Hanif ne dawa kiya hai ke Resham aur Deedar ki larai ke peeche host Hina Niazi ka hath hai. Unka kehna hai ke Hina guests ko makeup room mein bharkati hain taake wo on-air aik doosre ke khilaaf bolein. Naeem Hanif ne Hina par blackmailing aur Resham ko dhamki amez voice notes bhejne ka bhi ilzaam lagaya hai.

Samina Ahmed ki 1973 ki aik purani tasveer viral ho rahi hai, jis mein wo aik beauty soap ke liye photoshoot kar rahi hain. Fans unki saadgi aur husn dekh kar dang reh gaye hain. Kuch logon ne unka comparison Bollywood adakara Zeenat Aman se kiya, jabke baaqi viewers unhen shuru se hi aik “graceful” aur khubsurat shakhsiyat qarar de rahe hain.

Imad Wasim aur Nyla Raja ne sahil par apni honeymoon ki tasaveer aur video share ki hain. Dono ne makhsoos libas mein photoshoot karwaya, magar logon ko ye andaaz pasand nahi aaya. Viewers Imad ki pehli biwi aur bacho ka hawala dete hue Nyla Raja ko “h-wrecker” keh rahe hain aur dono ko sakht troll kar rahe hain.