Pakistan aur duniya bhar mein gold ki qeematon mein izafa dekha gaya hai. Pakistan mein 24 karat gold ka eik tola 6,100 rupay mehanga hokar 359,000 rupay ka hogaya hai, jabke 10 gram gold ki qeemat 5,229 rupay barh kar 307,784 rupay par pohanch gai hai. Duniya bhar mein bhi izafa dekha gaya hai, jahan eik ounce gold ki qeemat 3,363 dollar tak pohanch gai hai .

Quetta aur Chaman se hazaron Afghans border ki taraf rawana. April se ab tak 2 lakh se zyada wapas ja chuke hain. 2023 se total 10 lakh se zyada Afghans Pakistan chhod chuke. Temporary permit walay bhi nishana. Hukoomat ka kehna hai ke sab ko izzat aur tarteeb se wapas bheja jaayega

Southern areas mein ab tak kam barish hui hai, lekin 10 August ke baad monsoon winds ka rukh south ki taraf ho sakta hai. 5 August se Punjab ke kai shehron mein heavy rain aur flood ka khatra hai. PDMA ne alert jari kar diya, public ko ehtiyaat aur helpline 1129 par rabte ki hidayat.

COAS Field Marshal Asim Munir ne Muzaffargarh mein induction ceremony aur firepower demo dekha. China ke ye modern helicopters har mausam mein, din raat precision strikes ki salahiyat rakhte hain. Inmein advanced radar aur electronic warfare systems laga hua hain. COAS ne troops ka hosla aur professionalism saraha, aur hybrid threats ke khilaf national unity par zor diya

May 9 cases mein kai senior PTI leaders ko 10 saal ki saza mil chuki hai, aur mazeed faislay aanay wale hain. Party ke andar se hukoomat se baat cheet ka mashwara diya gaya, lekin Imran Khan ne inkaar kar diya. Is faislay se PTI par arrests, disqualification aur siyasi tanazul ka khatra barh gaya hai.

Pakistan ke shahron ki taaza mosam ke soorat-e-haal ke mutabiq iss waqt 2 Aug dopehar 3:05 PM par, Pakistan ke mukhtalif shahron ka darja hararat kuch is tarah hai. Karachi 31°C, Lahore 33°C, Islamabad 30°C, Faisalabad 35°C, Hyderabad 34°C, Gujranwala 33°C, Sialkot 33°C, Quetta 33°C, Peshawar 35°C, jabke Multan mein 39°C hai.

UAE ne Pakistani citizens ke visas jaldi issue karne ka wada kiya. Mohsin Naqvi ne UAE ke Interior Minister Sheikh Saif se mulaqaat ki. Mulaqaat mein visa policy, security, smuggling control aur AI-based policing par taawun barhane par baat hui. Naqvi ne modern surveillance systems ka daura kiya aur Pakistan mein lana ki khwahish zahir ki.

Iranian President Dr. Masoud Pezeshkian 2 August ko 2 din ke daure par Pakistan aa rahe hain, PM Shehbaz Sharif ki dawat par. Unki mulaqaat President Zardari aur PM Shehbaz se hogi. Saath delegation-level baatein bhi hongi. Pezeshkian ke sath Iranian ministers aur afsaroon ka eik bara group hoga. FO ne kaha daura dono mulkon ke taaluqat mazeed behtar karega.

UAE ke ambassador Hamad Al-Zaabi ne Murree mein CM Maryam Nawaz aur Nawaz Sharif se mulaqaat ki. Mulaqaat mein taleem, science, economy aur environment mein taawun barhane par baat hui. Nawaz Sharif ne Pakistan-UAE ke gehre rishte ko ahem qarar diya. Maryam Nawaz ne visa-free entry aur trade volume barhane ki zarurat par zor diya.

Pakistan ne Iran-America ke darmiyan tension kam karne ka faisla kiya hai. Iranian President Pezeshkian 2-3 August ko Pakistan ka pehla daura kar rahe hain. Wo Shehbaz Sharif aur Zardari se mulaqat karein ge. US ne bhi Pakistan ke kirdar ko saraha hai. FO ne BLA aur TTP ko India ke proxies aur Afghanistan mein panah-guzin qarar diya.