ECP ne May 9 case mein faisla ke baad PTI ke Omar Ayub, Zartaj Gul aur Ahmad Chattha ko disqualify karke unke parliamentary posts khatam kar di. NA ne opposition leader, parliamentary leader aur deputy leader ke seats khaali kar di. 15 standing committees ki memberships bhi wapas le li gayi.

Aaj 9 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.9 PKR, Euro 330.20 PKR, British Pound 380.55 PKR, UAE Dirham 77.3 PKR, Saudi Riyal 75.55 PKR, Kuwaiti Dinar 918.35 PKR, Canadian Dollar 205 PKR, Australian Dollar 184 PKR, Malaysian Ringgit 66.45 PKR, Swiss Franc 348.4 PKR, Indian Rupee 3.13 PKR.

Pakistan ke mashhoor neurologist Dr. Nadir Ali Syed ka Karachi mein achanak inteqal ho gaya. Wo Parkinson’s disease ke ilaaj mein ahem kirdar ada kar chuke the aur South City Hospital ke consultant aur AKU ke faculty member the. NIH, USA se training ke baad unho ne Pakistan mein neuroscience ko barhawa diya. Janaza Sunday ko hoga, family ka intezar hai.

Faisalabad mein Aqsaa naam ki aurat ko jhoota gang rape case mein giraftar kar liya gaya. Us ne 3 afraad par ilzaam laga kar 5 lakh rupay liye aur court mein bayan badal diya. DNA test se bhi inkaar kiya. Court ke bahar paisay lete waqt pakri gayi, 2 saathi farar, case darj ho gaya.

Racing karti car ka khofnaak haadsa, 3 jaaan bahaq, 1 zakhmi. Sundar, Lahore mein do cars racing kar rahi thi jab eik car Shahkam flyover se utarte hua control se nikal gayi. Pehle motorcycle ko takkar di, phir rehri walon par chadh gayi. 3 afraad jaaan bahaq, eik shadeed zakhmi. Dusri car farar, police ne CCTV footage se tehqiqaat shuru kar di hain.

Prime Minister Shehbaz Sharif ne 201 units par extra bill ka notice le liya hai. Sirf eik unit zyada hone par logon ko 5000 rupay tak ka zyada bill mil raha hai. PM ne kaha ke aala satah committee banayi jayegi jo maslay ka jaiza le kar report degi. Logon ko jald relief dene ka wada kiya gaya hai.

Lahore High Court ka ahem faisla samne aaya hai. Justice Shahbaz Rizvi ne kaha ke har case ka faisla sirf usi case ke sabooton par hoga. Trial court ne doosre cases ke facts ko dekh kar faisla kiya jo ghalat tha. Court ne faisla kharij karke naya trial shuru karne ka hukum de diya.

PM Shehbaz ne 2.55% population growth rate ko “alarming” qarar dekar urgent national action ka kaha. Unho ne youth ko economy ka hissa banane aur women’s employment barhane par zor diya. Pakistan ki abadi 2023 mein 241m thi, jo 2050 tak 3rd largest ban sakti hai. UN report ke mutabiq abadi 2092 mein 404m tak ja sakti hai.

Pakistan Refinery Limited September mein pehli dafa Nigerian Bonny Light crude import karega, 500,000-barrel ka cargo Vitol se aayega. Bonny Light high-quality fuel deta hai. Cnergyico bhi pehli baar US crude mangwa raha hai. Middle East oil mehanga hone par Pakistan ne saste options chunne shuru kiye. Oil aur fuel imports FY2025 mein $11.3B tak pohanch gayi hain.

CCP ne PTCL ke $1B investment plan, financing source, aur Ufone-Telenor consolidation par sakht sawaal uthaye. PTCL wazeh jawab dene mein nakam raha. Ufone ke losses aur unclear tower strategy bhi masla ban gaye. Regulatory transparency aur clarity ki demand ki gayi. PTCL ne zyada waqt maanga, jis ke baad merger approval ka faisla abhi ke liye rok diya gaya.