Google ne Gmail users ko mashwara diya ke agar unhone arsay se apna password change nahi kiya to foran karein, taake accounts secure rahen. Hackers ki taraf se login details churane ki koshishen barh gayi hain. Google ne passkeys aur authenticator apps use karne ka bhi mashwara diya, SMS-based 2FA avoid karne ke liye.

Young actress Alizeh Shah ne eik podcast mein apni zindagi ke tough experiences share kiye. Usne kaha seniors ne usse bully kiya, disrespect kiya aur kuch logon ne uska naam use karke fame hasil ki. Payment issues bhi samne aaye. Alizeh Shah ne reveal kiya ke woh PTSD ka shikar hai.

Israeli PM Netanyahu ne kaha ke Israel ne Hamas ke spokesman Abu Obeida ko target kiya hai. Abu Obeida red scarf aur military fatigues mein messages dete tha. Israel pehle hi Hamas ke leaders Haniyeh, Mohammed Deif aur Yahya Sinwar ko maar chuka hai. Gaza war 23 months se chal rahi hai jisme 63,000 se zyada Palestinians, zyada tar civilians, halak ho chuke hain.

GTA 6 ke release 26 May 2026 ko hogi, Rockstar ne Jason aur Lucia ko main characters confirm kiya hai. Lekin fan-favourite Lazlow Jones, jo GTA 3 se 5 tak nazar aaya tha, shayad wapas na aaye kyunke usne 2020 mein Rockstar chhod diya. Take-Two CEO ne clear kiya ke GTA 6 unki top priority hai.

Former actor Babrik Shah ne Imran Abbas par bold bayan diya ke “wo mard nahi lagte, feminine vibes dete hain.” Bayan viral hone ke baad eik podcast mein unho ne wazahat di. Babrik ne kaha, “Mera matlab tha ke Imran film hero figure nahi lagte, halan kay wo ache insaan hain.” Bayan par fans ki garam discussions chal rahi hain.

Japan mein Islam sabse fast grow karne wala religion ban chuka hai. Pichle 10 saalon mein Muslim population double hoke 2 lakh 30 hazaar hogayi, aur 110 se zyada mosques ban gayi. Is growth ka reason immigration, conversions aur halal restaurants, prayer spaces jaisa Muslim-friendly facilities hain jo tezi se Islam ko barha rahi hain.

Punjab CM Maryam Nawaz ne ghalti se apni official X (Twitter) account par eik personal post daal di. Post mein unki tasveer aur caption “A.U.R.A” tha. Thodi dair baad unho ne post delete kardi, magar screenshots viral hogaye. Social media par ye ghalti foran breaking news ban gayi aur logon ne zyada discuss kiya.

Karachi ke Sultanabad mein gutter se 15 saal ke Abu Bakr ki 3 din purani laash mili, post-mortem ke liye hospital bheji gayi. Gulistan-e-Johar mein 3 saal ki bachi pani ke gaddhe mein gir kar halak hogayi. Gulshan-e-Maymar Afghan Camp ke jhagre mein 4 auratein aur 1 aadmi zakhmi hua, unhe hospital muntaqil kiya gaya.

Social media influencer Samiya Jafari apne ghar par attack ka shikar hui. Hassan, jo 3-4 mahina se unhe stalk kar raha tha aur jaan se maarne ki dhamkiyan de raha tha, usne samiya ka mobile cheen kar car mein zabardasti le jaane ki koshish ki, jo CCTV mein record hua. Samia ne police se madad mangi aur Hassan ke arrest ki demand ki.

Aaj 1 Sep 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 282.8 PKR, Euro 328.9 PKR, British Pound 380.90 PKR, UAE Dirham 77 PKR, Saudi Riyal 75.3 PKR, Kuwaiti Dinar 914.75 PKR, Canadian Dollar 204 PKR, Australian Dollar 183.5 PKR, Malaysian Ringgit 66.68 PKR, Swiss Franc 350.41 PKR, Indian Rupee 3.14 PKR.