Sindh mein parents ka radeamal dehk kay health departments hoye pareshan. Sindh mein 35,000 parents ne polio drops se inkaar kar diya, jismein sirf Karachi se 34,000 refusals, aur District East mein 8,000 cases report hua. Hyderabad ki 8 maheene ki larki mein 7th polio case confirm. KP tops with 18 cases, Sindh 7. Agla nationwide campaign 13–19 Oct, target 45.4m bachay.

Karachi mein Congo virus se is saal teesri maut! 28 saal ka butcher JPMC mein do din pehle admit hua tha bukhar aur dard ke sath, aaj virus confirm hua aur patient guzar gaya. Pehle bhi Ibrahim Hyderi aur Malir ke 2 afraad mar chuke. Congo virus ka koi vaccine nahi, experts ne animal handlers ko extra ehtiyat ki hidayat di hai.

Mahira Khan ne Instagram par confirm kiya hai ke unki aur Fawad Khan ki film “Neelofar” is saal sardiyon mein release hogi! Actress ne teaser share karte hua fans ko “next mulaqaat” ke hint di, lekin exact release date abhi tak announce nahi hui. Yaad rahe, film pehle Dec 2022 mein aani thi magar corona ki wajah se delay hogayi.

Saif Ali Khan ne bataya ke Mumbai ghar par 16 Jan 2025 ke chaku hamle mein unki puri zindagi aankhon ke saamne guzar gayi. Saif ne khali haathon se hamla awar ka samna karte hue bachon Taimur aur Jeh ko bachaaya. Unki spine ke paas gehra zakhm aaya jiske baad unki Leelavati Hospital mein surgery hui. Saif ne is bachne ko “mojza” qarar diya.

Salman Khan ne khulasa kiya ke wo 7.5 saal tak Trigeminal Neuralgia mein mubtala rahe, jo itni painful thi ke ise “suicidal disease” kaha jata hai. Actor kehte hain dard har 4-5 minute baad aata tha aur dawa ka bhi asar nahi hota tha. Unhone Gamma Knife surgery karwai jiske baad dard bilkul khatam hogaya.

Bollywood actress Fatima Sana Shaikh ne eik bade studio ki film se exit le liya hai! Reports ke mutabiq yeh project Madhur Bhandarkar direct kar rahe the aur Zee Studios ke banner tale ban raha tha. Film ka naam aur exit ki wajah abhi clear nahi, lekin sources keh rahe hain project cancel ho chuka hai.

New Karachi mein shohar ke tashaddud se pareshan 50 saal ki Firdous ne bhai ke ghar ke paas park mein aag laga li. 90% jhulsne ke baad hospital mein dauran-e-ilaj inteqal kar gayin. Police ke mutabiq unke shohar se 2 din pehle larai hui thi. Marhooma ki koi aulad nahi thi, tehqiqaat jari.

Karachi ATC ne RAW operative Saleem ko 114 saal ki saza suna di. Court ne Rs150,000 ka fine bhi lagaya aur bail cancel kar di. SIU ne Saleem ko Mauripur se giraftar kiya jahan se grenades, bombs aur illegal weapons baramad hua. Saleem ne confess kiya ke woh RAW ke liye kaam karta raha aur 2012–14 mein teen martaba India bhi gaya.

California ke shehar San Ramon mein din dahade bara daka! 20 naqabposh afraad ne jewelry shop par hamla kar ke $1 million ke zevarat loot liye aur gaadiyon mein farar ho gaye. CCTV footage ne sab record kar liya. Police ne kuch suspects giraftar kar liye. Do hafte pehle San Jose mein bhi aisi hi heyrat angez wardat hui thi.

Social media par buzz hai ke Fahad Mustafa ne producer Hina Aman se dusri shaadi kar li hai! Abhi tak Fahad, unki family ya Hina ki taraf se koi reaction nahi aya. Lekin Fiza Ali ne apne show mein kaha: “Fahad great banda hai, log uski personal life mein kyun ghus rahe hain? Shaadi ki ya nahi, uska masla hai, tumhara nahi!”