Met Office ke mutabiq aaj raat se Karachi aur Sindh ke kai ilaqon mein tez hawaon ke saath barish aur garaj baras ka imkaan. Ye silsila 22 August tak jari rahega. PMD ne urban flooding ka khatra bhi bataya hai. Balochistan ke kuch districts mein bhi 17–21 Aug tak heavy rain expected hai.

Journalist Khawar Hussain ki laash Hyderabad Road par car se mili jisme sar par goli ka nishan tha aur haath mein pistol thi, jis se maut par sawalat uth gaye. Police ne investigation shuru kar di hai. CM Murad Ali Shah ne IGP se report talab kar ke best officer ko case dene ki hidayat di.

NADRA ne CNIC modification ka process easy banate hue Pak-ID mobile app update kar di. Ab biometric verification, document upload aur fee payment sab phone se hoga, office jane ki zaroorat nahi. Approval ke baad CNIC seedha ghar deliver hoga. Fee Easypaisa, JazzCash ya card se pay hogi. 1200 union councils tak service extend ki gayi.

Deputy PM aur Foreign Minister Ishaq Dar 3 din ke official visit par UK pohanch gaye. Unki mulaqaat UK Deputy PM Angela Rayner, Hamish Falconer aur Commonwealth Secretary-General se hogi. Visit ka focus Pakistan-UK ties, digital tech, AI aur entrepreneurship hai. Dar High Commission London mein land record pilot project aur diaspora services bhi shuru karenge.

NDMA ne monsoon ke doran northern aur hilly areas ka safar avoid karne ka sakht advisory jari kiya hai, landslides aur flash floods ke khatray ki wajah se. Gilgit-Baltistan mein roads aur bridges heavily damage aur kai routes band hain, jese Jaglot-Skardu Road aur Babusar Top. Authorities ko tourism restrict karne aur Section 144 lagane ka bhi kaha gaya hai.

Karachi mein experts ne kaha ke Pakistan mein aadhe se zyada heart attack patients 49 saal se kam aur 15% 40 se kam ke hain. Bari wajah diabetes, BP, obesity aur smoking hain. Doctors ne kaha chest pain na bhi ho to heaviness ya acidity jaisa discomfort heart attack ho sakta hai. 30 saal ke baad har shakhs ECG aur cardiac check-up zaroor karwaye.

Airblue ki Islamabad se Karachi aane wali flight 207 ko takeoff se pehle taxiway par bird hit hua jisse Airbus A320 ka eik engine damage ho gaya. Authorities ne aircraft ground kar diya aur flight cancel karni pari, jiski wajah se return flight bhi cancel hui. Flights cancel hone par passengers ne airport par protest kiya.

PMD ne Sunday se puray mulk mein shadeed barsaat ki prediction ki hai jo flash floods, urban flooding aur landslides ka sabab ban sakti hai. Karachi, Lahore, Islamabad, KP, Kashmir aur GB sab zyada mutasir honge. Strong winds aur lightning se damage ka khatra hai. Authorities ko high alert kar diya gaya, public ko ehtiyat ka mashwara.

DC Sialkot Saba Asghar Ali ne 14 female teachers ko electric bikes award ki, kehti hain aurton ka kirdar society ki taraqqi ke liye zaroori hai. Next phase mein 650 teachers apply kar chuki hain, priority widows aur sole earners ko milegi. Workers Welfare Board Sindh ne bhi women aur minority workers ke liye e-bike scheme announce ki.

YouTuber Saad ur Rehman aka Ducky Bhai Lahore Airport par NCCIA ne arrest kar liya. FIR ke mutabiq ducky ne online gambling apps promote ki aur money laundering mein hissa liya. Mobile phones aur digital data recover. Illegal transactions ka evidence bhi mila. Assets ki checking jari. April 2025 mein motorway stunt par bhi case register hua tha.