Aaj 3 Sep 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 282.6 PKR, Euro 329.70 PKR, British Pound 381.50 PKR, UAE Dirham 76.95 PKR, Saudi Riyal 75.25 PKR, Kuwaiti Dinar 914.20 PKR, Canadian Dollar 205 PKR, Australian Dollar 183.5 PKR, Malaysian Ringgit 66.68 PKR, Swiss Franc 350.41 PKR, Indian Rupee 3.14 PKR.

Actor Babrik Shah ne eik YouTube show mein confess kiya ke unki 4 shaadiyan ho chuki hain, ab sirf eik wife sath hain aur ex-wives sab settled hain. Unka kehna hai moka mila to phir bhi shaadi karenge. Veena Malik par kaha ke dono contact mein nahi, wo move on kar gayi aur main bhi.

Karachi mein Germany ke naye Consul General Thomas Schultze ne Sindh Culture & Tourism Minister Zulfiqar Ali Shah se mulaqaat ki. Dono ne PITHM ka tour kiya aur Pakistan-Germany cultural aur tourism ties mazboot banane par baat hui. Shah ne Sindhi gifts diye, Schultze ne Sindh culture ko admire karte hua cooperation barhane ka wada kiya.

Gilgit Baltistan ke Hudor gaon ke qareeb afsos naak waqia. Pakistan Army ka MI-17 helicopter routine training flight ke doran technical fault ki wajah se crash hua. ISPR ke mutabiq 2 pilots Major Atif aur Major Faisal samait 5 crew members shaheed hua. Wazir e Azam Shehbaz Sharif ne dukh ka izhar kiya.

Finland ki eik study ne sabit kiya ke oral bacteria heart disease ka risk barhate hain. Ye bacteria arteries ki walls mein “biofilm” bana kar immune system aur dawaon se bach jate hain. Jab biofilm toot’ti hai to inflammation aur clot banta hai, jo heart attack ya stroke trigger karta hai. Experts ne oral hygiene aur routine check-ups zaroori qarar diye.

Meta ne WhatsApp ka flaw disclose kiya jo spyware attacks mein use ho skta hai, targets mostly journalists aur activists. Microsoft ne announce kiya ke 1 October se Azure par MFA mandatory hoga. Nissan ki design firm par Qilin ransomware attack hua. Baltimore se $1.5M fraud hua. FreePBX ka critical bug exploit ho raha hai.

IHC ka naya bench jo Dr Aafia Siddiqui case sun raha tha, dissolve ho gaya. Justice Inaam Ameen Minhas ne case Chief Justice ko bhej diya taake bara bench ban sake. Pehle Justice Ejaz Ishaq Khan sun rahe tha aur unho ne PM aur ministers ko contempt notices diye tha govt report submit na karne par.

Karachi ke Civil Lines area se 4 saal ki Maira ko Hijrat Colony se kidnap kar liya gaya. Kidnappers ne 15 lakh rupay ransom maanga. Police officials ka kehna hai ke special teams banakar operation shuru kar diya gaya hai aur har angle se investigation ho rahi hai, bachi ki recovery aur culprits ki giriftari ke liye.

Uttar Pradesh ke Balsi mein Anmol Dhaba par paneer ki dish se mara hua chooha nikal aya! Video social media par viral, logon ka gussa bharak gaya. Khana khane walay Maheshwari ne manager ko shikayat ki aur police case ki dhamki di. SDM Prem Pal Singh keh rahe hain video ki jaanch aur tafteesh hogi.

Karachi mein Korangi Narcotics Wing ne operation karke Mirza Ali ko Landhi se giraftar kar liya. Suspect se 10.4 kg heroin baramad hui jiska market value 200 million PKR hai. Mirza Ali Peshawar se drugs la kar Karachi supply karta tha aur interprovincial network ka hissa tha. Authorities keh rahi hain investigation jari hai aur mazeed arrests honge.