Islamabad District & Sessions Court mein TikToker Sana Yusuf qatal case ki aaj ki hearing judge ki masroofiyat ki wajah se delay ho gayi. Govt lawyer Raja Naveed Hussain hazir hua lekin koi progress na ho saki, gawah ke bayanaat bhi record na hua. Court ne aglay session 4 October 2025 ke liye mukarrar kar diya.

Sindh ke zila Matiari, New Saeedabad mein khaufnaak waqia pesh aya eik 10 saal ke larke se mabna ziadati ka waqia hua. Walida ka ilzaam hai kay mulziman ne ziadati karke video bhi banayi. Police ne 3 mulziman ko giriftar kar liya, mazeed tehqiqaa jari. Elan, zimmedaron ke khilaaf sakht action liya jaye ga.

Nayi research ke mutabiq, 2023 mein U.S. ke 93 million CT scans future mein 100,000 se zyada cancer cases ka sabab ban sakte hain. jismein 10,000 bacche shamil hoskate hein. CT scans useful hain lekin radiation risk barhata hai. Experts keh rahe hain: sirf zaroorat pe scan ho aur dose patient ki age/organ ke hisaab se set ki jaye.

Ayeza Khan ke bhai Ahad par ex-fiancée Arooba Tariq ke sangin ilzamat unho nay kaha ke Ahad dhokaybaaz hai, kuch nahi kamata aur “behan ke tukron par pal raha hai.” Arooba ka claim hai ke Ahad ka pehle Sara Khan se bhi taluq tha. Ilzaam: Ayeza har cheez control karti hain. Social media par mixed reaction saamne aa raha hai.

India mein Hindu roohani rehnuma Swaami Chaitanyanand Saraswati Agra se giraftar. Us par ilzaam hai ke usne 20 ladkiyon se ziadti, harassment, dhamkian aur 20 crore rupay ka ghaban kiya. 62 saal ka Swaami kaafi dinon se farar tha, fake documents banaye aur institute ke paisay misuse kiye. Court ne bail reject karke ab 5 din ka remand de diya.

Okara, Mandi Ahmedabad mein bhai ki firing se 2 behenein jaan bahaq. Police ke mutabiq, eik behen ne pasand ki shaadi ki thi jiske baad bhai ne us par goli chalayee. Doosri behen bachane aayi to use bhi goli maar di gayi. ⚠ DPO Muhammad Rashid ne confirm kiya ke mulzim ko giraftar kar liya gaya hai.

Salman Khan ne “Dabangg” director Abhinav Kashyap ke ilzamat par indirect jawab diya. Bigg Boss 19 mein kaha: “Jo log pehle mujhe pasand karte tha, ab podcasts mein jhoot bolte aur bakwaas phailaate hain. Unke paas kaam nahi, is liye yeh sab karte hain. Mera mashwara hai: uthho, nashta karo aur kaam par jao.”

China mein log apne katay huye nails bech kar paisay kama rahe hain! Hebei ki eik aurat ne unhein online 150 yuan (21$ per kilo) ke rate par bechna shuru kar diya. Yeh nails traditional Chinese medicine mein dawaon ke liye istemal hote hain. Sirf hath ke nails qabool hote hain, paon ke nahi.

Sukkur mein tashadud ka shikar oontni ka Karachi mein operation hua. Jabre ki surgery ke sath infection wali pichhli taang bhi kaatni padi. CDRS director ke mutabiq operation mein khoon bachane ki puri koshish ki gayi, magar recovery lamba safar hai. Sarah Jahangir ne kaha oontni ke X-rays aur photos prosthetic company ko bheje gaye hain.

DHA Phase 2 Korangi Road ki workshop mein shadeed aag, 13 afraad zakhmi aur 2 khawateen ilaj ke doran jaan bahaq. Rescue 1122, Chhipa aur Edhi volunteers ne foran madad ki. Fire brigade ne 4 ghante ki koshish ke baad aag bujhayi. CM Sindh ne inquiry aur zakhmiyon ko foran ilaaj ka hukum diya.