WHO ne warning di hai ke chikungunya virus ki bari global wabaa ka khatra hai. Ye machhar se phailta hai, bukhar aur joints ke dard ka sabab banta hai. 119 mulkon mein report ho chuka hai, 5.6 billion log risk mein hain. Virus South Asia, Africa aur Europe tak phail raha hai. France mein local transmission confirm ho chuki hai.

America ne UNESCO se nikalne ka faisla kiya, keh kar ke yeh uske qaumi mafad mein nahi. Trump ko global idaron aur soft power par bharosa nahi. China chori hui jagah ka faida utha kar apna asar barha raha hai. UNESCO sirf virsa nahi, balkay duniya ka bayania aur pehchan banane ka zariya bhi hai

Elon Musk ka Starlink ab Pakistan ka rukh kar raha hai. Fiber aur cables ke baghair, yeh satellite internet har sheher, gaon aur pahaar tak super fast internet layega 50 se 500 Mbps tak! Sirf eik choti dish aur Wi-Fi router chahiye. Launch expected hai 2025 ke end tak. Ye mehanga zaroor hoga, lekin future mein yeh internet ka asli game changer ban sakta hai.

Pakistan Stock Exchange (PSX) mein hafta ke pehle din tezi dekhi gayi, 100 Index 870 points barh kar 1,40,077 tak gaya. Baad mein utaar charhao ke baad sirf 253 points ka izafa raha aur index 1,39,460 par band hua. Trading ke doran index 1,40,149 tak bhi gaya. Guzishta hafta mein market 1,39,207 par band hui thi.

Netflix par inn dhamakedar movies ne sab ka dhyan kheench liya hai. Aaj ke top 10 trending titles mein Until Dawn, The Northman, Aap Jaisa Koi, Raid 2, Happy Gilmore 2, Kung Fu Panda 4, KPop Demon Hunters, Brick, Wall to Wall, aur Jewel Thief The Heist Begins shaamil hain. Ye movies zabardast action aur kahani ki wajah se pasand ki ja rahi hain.

2025 Pakistan ke job market mein naye mauqe laa raha hai. Tech, healthcare, energy aur education sectors taraqqi par hain. Digital skills, Urdu,English fluency aur leadership qualities ki demand barh rahi hai. Software developers, data scientists aur doctors ki zaroorat zyada hai. Job portals, networking aur naye skills se aap apna mustaqbil roshan bana sakte hain

Science ne sabit kiya hai ke arguments mein aksar khawateen zyada theek hoti hain. Unki emotional intelligence, empathy aur detail pe focus unhein behtar faislay tak le jata hai. Mard hamesha ghalat nahi hote, magar kisi aur ka nuqtah-e-nazar samajhna zaroori hai. Kabhi kabhi chup rehna ya maan lena, asal aqalmandi hoti hai

Chakwal mein M-2 Motorway par passenger bus ulat gayi, jisme 9 afraad halak aur 31 zakhmi hue. Bus Islamabad se Lahore ja rahi thi jab Balkasar Interchange ke qareeb tyre burst se haadsa hua. Bachay aur auratein bhi halak honay walon mein shamil hain. Rescue ne zakhmiyon ko hospital muntakil kiya. Driver ke khilaf karwai jari hai.

Sialkot ke gaon Bhiko Chohar ke qareeb qabristan se 2 bachon ki laashen baramad hui hain. Police ke mutabiq, dono bachon ko tez dhaar aala se qatal kiya gaya hai. Waalid ne guzishta roz Thaana mein bachon ke laapata hone ki report darj karwai thi. Waalid ki complaint par qatal ka muqadma darj kar liya gaya hai aur mazeed tafteesh jari hai.

Pakistan ke shahron ki taaza mosam ke soorat-e-haal ke mutabiq iss waqt 28 July dopehar 2:49 PM par, Pakistan ke mukhtalif shahron ka darja hararat kuch is tarah hai. Karachi 32°C, Lahore 36°C, Islamabad 34°C, Faisalabad 38°C, Hyderabad 36°C, Gujranwala 36°C, Sialkot 35°C, Quetta 34°C, Peshawar 39°C, jabke Multan mein 42°C hai.