Bollywood actress Shilpa Shetty ne apna mashhoor Mumbai restaurant Bastian Bandra band kar diya. Yea faisla unhon taab liya jab un par aur unke husband Raj Kundra par INR 60 crore fraud ka ilzaam darj hua. Shilpa ne Instagram par closure announce kiya. Bandra branch band hogayi hai, magar Bastian at the Top chalti rahegi.

Federal govt ne 6 September ko mulk bhar mein public holiday ka elan kar diya. Yeh chhutti Eid Milad-un-Nabi (SAW) aur Defence Day ke silsile mein hogi. Notification ke mutabiq govt offices, schools, colleges aur private institutions band rahenge. Din ko poore mulk mein mehfilen, durood, aur juloos ke zariye manaya jayega.

CM Sindh Murad Ali Shah ne Mamta Program mein khawateen ki cash madad 30 hazar se barha kar 41 hazar rupay karne ki hidayat di. Program se ab tak 7 lakh 70 hazar khawateen faida le rahi hain, jo 15 districts mein chal raha hai. CM ne program ko 7 naye districts tak expand karne ki manzoori bhi de di.

Karachi mein AVCC ne operation karke 10 agwa shuda bachay baramad kar liye, jismein Abdul Moeez (16), Asghar Ali (2), Mosa (4), Ayan (11) aur doosre bachay shamil hain. 3 afraad giraftar hochuke hein, investigation jari hai. Kal Musa ko bhi agwa hone se bachaya gaya. Hijrat Colony se larki Maira agwa, 15 lakh ransom maanga gaya hai investigations abhi bhi jari hain.

Adiala Jail mein mulaqaat ke baad Barrister Gohar ne kaha ke Imran Khan sirf legal tareeqe se release honge, kisi deal se nahi. PTI ne by-elections boycott karne ka faisla confirm kar dia, sab members ne standing committees se resign kar dia. Khan sahab ne CM KP Ali Amin Gandapur ko September mein rallies ka zimma de dia.

Islamabad court ne TikToker Samiya Hijab ke alleged kidnapper Hassan Zahid ko 5 din ke physical remand pe bhej dia. Samiya ne bataya Hassan rishta reject hone ke baad stalk karta, death threats deta aur zabardasti gari mein bitha kar le gaya. Yaad rahe Samiya ki dost Sana Yousuf bhi isi wajah se qatal hui thi.

Quetta ke Sariab area mein dhamaka, BNP Chief aur ex-CM Balochistan Akhtar Mengal safe rahe, magar kai party workers zakhmi ho gaye. Blast Shahwani Stadium ke parking mein us waqt hua jab BNP ka jalsa khatam hua. Awaz door tak suni gayi. July mein bhi Kalat mein bus attack mein 3 shaheed, 7 zakhmi hua tha.

NCCIA ne Senate Committee ko brief karte hua bataya ke Pakistan mein online fraud cases Rs 2–3 billion tak pohanch gaye. Sabse zyada fraud WhatsApp hacking se hota hai jahan log family ya dost ban kar paise mangte hain. Ab tak Rs 720 million fraud, 63 raids illegal call centers par ho chuki hain.

Actress Maria Malik ne showbiz ke negative pehlu expose kiye. Unke mutabiq, newcomers ko zyada tar supporting roles milte hain aur agar “No” kaha jaye to producers bura mante hain, lekin success ke baad unka rawayya badal jata hai. Maria ne kaha industry zyada tar safe hai, lekin kuch log harassment ka samna karte hain, jo afsosnaak hai.

Bannu FC Headquarters par Indian-backed khwarij ka hamla, security forces ne foran jawab dete hua 5 militants halak kar diye. Afsoos ke sath Pakistan Army aur FC ke 6 jawan shaheed ho gaye. Blast se deewar gir gayi, 3 civilians zakhmi hua. ISPR ke mutabiq clearance operation jari hai, dushman ko jald saza milegi.