Islamabad: Chief Commissioner Income Tax Ayesha Farooq ne tax choron ki shanakht par inam 15 crore tak barhane ka proposal de diya. Unhone FBR ko kaha ke falsified income reports aur high lifestyle walon par nazar rakhi jaye. Third-party audit aur social info ka istemal karke tax net ko barhaya jayega aur economy ko document kiya jayega.

Lahore: YouTuber Saad Rehman alias “Ducky Bhai” ki jua app promotion case mein guarantee reject! Lahore ki court ne written order mein kaha ke Ducky Bhai ke millions fans hain aur aisi promotion society par bura asar daal sakte hai. Maloom hua ke unko 3,26,420 dollars mile, sources explain na kar sake. Investigation aur legal action jari.

Howrah–New Delhi route par chalti Tata 18184 Superfast Train mein achanak aag bhadak uthi. Afra-tafri ke doran musafir chalti train se kood kar bach gaye. Khushqismati se koi jani nuqsan nahi hua. Driver ne train rok kar sab ko safe nikal liya. 45 minutes baad aag bujhakar train dobara rawana ki gayi.

Karachi: Nazimabad ki Chaula Market mein afsosnaak waqia! Beti ke samne maa par eik shakhs ka tashadud, ungli toot gayi. Bharay bazar mein log sirf tamashai bane rahe, kisi ne rokne ki koshish na ki. Waqia ka case Rizvia thana mein darj, affected khandan ko dhamkiyan mil rahi hain. Ahl-e-khanan ka mulzim ke khilaaf fauri action ka mutaliba.

Gujrat: Jalalpur Jattan ke gaon Khewa mein pregnant bhains ke sath sadistana tashadud! Uski dono aagli tangain tod di gayi. Waqia social media par viral hone par police ne case darj kar liya aur bhains ko ilaaj ke liye hospital bhej diya. Malik ko 50 hazar rupay ki madad di gayi. Investigation jari hai.

Pakistani singer aur actor Ali Zafar ne eik show par apne relationships discuss kiye. Unhone Sonu Nigam ki singing skills ki tareef ki aur kaha ke Sonu eik technically flawless aur dedicated insan hain. Ranveer Singh ke liye Ali ne kaha ke wo bhi bohot sweet aur professional actor hain, aur unka method acting aur energy kaafi impressive hai.

Pakistan me 23 September ko koi aam chutti nahi! Social media par fake notifications aur WhatsApp rumors ne logon ko confuse kar diya. Asal me yeh chutti sirf Saudi Arabia me hai jahan 95th National Day celebrate ho raha hai. Pakistan me tamaam schools, offices aur banks khule rahenge. Hukoomat ne awaam se appeal ki ke sirf official sources par yaqeen karein.

Islamabad ke Burma Town me 7 mah ki hamil Mahvish Sardar, teen bachon ki maa, sasural ke tashadud se jaan bahak ho gayi. Bhai ki darkhwast par shohar aur saas ke khilaaf qatla ka case darj hua. Sasural walon ne pehle “current lagne” ka excuse diya, lekin postmortem report me tashadud sabit hua. Mulzim abhi tak giraftar nahi huay.

Lahore me doodh ki qeemat 10 rupay barh gayi, ab naya rate 210 rupay per liter hai, jabke dahi 250 rupay kilo tak pohanch gaya. Dukaandaron ka kehna hai ke haalya silab ne maveshi aur doodh production ko bura asar diya, supply kam ho gayi. Shehrion ne shikayat ki ke mehngai ne ghareloo budget ko tabaah kar diya.

Karachi ke Abdullah Saleem ko 6 saal jail ki saza! Usne apni dost ke naam se fake Facebook accounts bana kar uski photos misuse ki aur engagement khatam hone par blackmail kiya. Court ne use PECA 2016 ke sections 20, 21, 24 ke tehat guilty sabit kar diya. Evidence me WhatsApp records, screenshots aur forensic reports bhi shamil thi.