IHC full court meeting mein Practice aur Procedure Rules aur establishment rules majority votes se approve ho gaye. CJ Sarfaraz Dogar aur kuch judges ne support kiya, jabke Justice Babar Sattar, Justice Mohsin Kiyani aur dusre judges ne oppose karte hua transparency aur judicial independence par concerns uthaye. Rules ke bawajood objections reject hui, building issues federal govt ko bhejne ka faisla.

Pakistani anchor, actor aur businessman raat ke 2-3 baje Malir, Karachi ke qabristan mein ja kar sukoon mehsoos karte hain. Unka qareebi dost, jisse wo 30 saal se jaante tha, guzar chuka hai, aur wo ab unki qabar par jate hain. Wo kehte hain ke zinda log hi nuqsan pohcha sakte hain.

Sindh govt ne Eid Milad-un-Nabi (SAW) ke 1500 saal ki celebrations par 5 aur 6 September (Jumma, Hafta) ki chhutti announce kar di. Sub govt offices, schools, institutions band rahenge. 6 Sept ko Defence Day bhi saath manaaya jaye ga. Sirf flood, emergency aur essential services kaam karengi. Federal govt ne bhi 6 Sept ko chhutti di hai.

Karachi court ne school van driver Owais Khan ko choti larki se molestation case mein 14 saal qaid aur 10 lakh rupay jurmana suna diya, na dene par 3 saal aur jail hogi. Case Taimuria Police Station mein register hua tha. Victim ne waqia waliden ko bataya, jinhon ne complain karke driver ko arrest karwaya.

Samiya Hijab ne apni nayi video mein Hassan Zahid se rishte ka raaz share kiya. Pehle unki Hassan se mangni hui thi, lekin asal haqeeqat jaan kar unhone rishte khatam kar diya. Samiya ne kaha ke breakup ke baad Hassan ne unka phone zabardasti liya, un par attack aur abduct karne ki koshish ki, acid attack aur maarne ki dhamkiyan bhi di.

NDMA ne agle 24–48 ghanton mein mulk ke utri aur southern ilaqon mein bhari barish ka alert jari kar diya. Narowal, Sialkot, Gujranwala, Gujrat, Lahore, Badin, Sujawal aur Tharparkar mein zyada barish ka imkaan. Ravi, Chenab aur Sutlej ke flood streams 4–5 Sept ko Punjab par mil kar extreme high flood create kar sakta hain.

Lisbon ka mashhoor Gloria funicular derail ho gaya, jisme kam az kam 3 log halak aur kai zakhmi hua. Accident Liberty Avenue ke paas 6:15 pm ko hua, funicular high speed mein building se takra gaya. President aur mayor ne isay tragedy qarar diya. Firefighters aur medical staff ne site par rescue operations shuru kar diye.

Sania Saeed ne kaha ke har couple bachon ke liye tayar nahi hota. Actress ne eik tv show mein bataya ke bohot se couples emotionally aur mentally strong nahi hote, is wajah se parenting mushkil ho sakti hai. Unhone young parents ke mental health issues aur postpartum depression par roshni daali aur parents ko responsibly faisla karne ki salah di.

Aaj 4 Sep 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 282.4 PKR, Euro 328.20 PKR, British Pound 378.4 PKR, UAE Dirham 76.9 PKR, Saudi Riyal 75.20 PKR, Kuwaiti Dinar 913.60 PKR, Canadian Dollar 204 PKR, Australian Dollar 183 PKR, Malaysian Ringgit 66.47 PKR, Swiss Franc 350.41 PKR, Indian Rupee 3.13 PKR.

TikToker Samiya Hijab ke alleged kidnapper Hassan Zahid. Courtroom mein unho ne confess kar liya ke usne TikToker Samiya Hijab ko kidnap kiya aur dhamkiyan di, judge ke saamne bola: “Sir, ghalti ho gayi.” Suspect ko 5 din ka police remand mil gaya, authorities us se weapon, cash aur gari recover kar rahi hain.