ADB aur Aptma ka textile exports barhane ka plan. ADB ki Country Director Emma Fan ne Aptma se mulaqaat mein textile industry ke masail, exports ka future aur global standards par baat ki. Aptma ne $50 billion export vision aur 1,000 garment units banane ka plan share kiya. ADB ne Pakistan mein sustainable growth ke liye mil kar kaam karne ka irada zahir kiya.

State Bank of Pakistan ne Pakistan Investment Bonds (PIBs) aur Market Treasury Bills (MTBs) ke zariye total Rs589.49 billion raise kiye, jo investors ka bharosa dikhata hai. 10 saala PIBs aur 12-month MTBs mein sabse zyada paisa utha. Rupee 10 paisa gir kar 282.67 par band hua. Gold Rs1,300 barh kar Rs359,300 per tola ho gaya.

Hukumat ne bankruptcy law aur harassment rokne ke liye ahem reforms ka faisla kiya hai. Corporate Rehabilitation Act 2018 mein changes, SBP Circular No. 29 walay companies ko relief aur SECP ki azadi ka tahaffuz shamil hai. Haroon Akhtar ne kaha ke sick industries ko bachana aur business-friendly mahol banana Shehbaz Sharif ka clear vision hai.

Aaj 8 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.9 PKR, Euro 330.20 PKR, British Pound 380.55 PKR, UAE Dirham 77.3 PKR, Saudi Riyal 75.55 PKR, Kuwaiti Dinar 918.35 PKR, Canadian Dollar 205 PKR, Australian Dollar 184 PKR, Malaysian Ringgit 66.45 PKR, Swiss Franc 348.4 PKR, Indian Rupee 3.13 PKR.

Karachi Landhi EPZ mein recycling factory mein third-degree aag lag gayi. Aag aas paas ki factories tak phail gayi, gas cylinders ki wajah se dhamakay ka khatra. 7 mazdoor zakhmi, building ka hissa gir gaya. 16 fire trucks, 2 bowser mojood. Koi jaani nuksan nahi, Rescue 1122 ke mutabiq aag bujhane mein waqt lagay ga.

Pakistan ki pehli Digital Agriculture Census ke mutabiq 17,000 farm owners 100 acre ya usse zyada zameen ke malik hain, jo total holdings ka 6% hai. Cultivable area 52.8M acres tak pohanch gaya hai. Barani zameen mein kami, ab sirf 4.9M acres reh gayi. Total farms 11.7M ho gaye, livestock population 251M se zyada hai.

PSX ne 146,000 ka level cross kar liya! KSE-100 Index 992 points barh kar 146,081 tak gaya. Investors ka confidence macroeconomic behtari aur strong earnings ki wajah se barh gaya. Govt ne Rs370B ke T-bills issue kiye, yields 30bps tak barhe. SBP ne interest rate 11% par freeze kiya. MCB ne Rs9/share dividend declare kiya.

FBR ne clear kiya ke sales tax fraud, especially fake ya flying invoices ke cases mein arrests start kiye ja rahe hain, lekin sirf judge ke warrant aur strict conditions ke saath. Rs50M se zyada fraud par 3-member committee ki approval zaroori hai. Maksad recovery nahi, fraud rokna hai. FED wapas le li gayi, naye income tax rules bhi lagu ho gaye.

Sindh govt ne 9 August ko Hazrat Shah Abdul Latif Bhittaiؒ ke 282wen Urs ke silsila mein poore province mein chhutti ka elan kar diya, official notification bhi jari ho gai hai. 3 rozah Urs Bhit Shah mein hoga, tayyariyaan mukammal hain. Governor ko dawat di gayi, aslah dikhane par pabandi. Hazaron zaireen aur scholars ki shirkat expected hai.

Rawalpindi ke Rawat area mein illegal organ transplant gang be-naqab. Police ne bungalow se secret operation theatre pakra, raid ke doran Hanan Khan ko rescue kiya gaya jiska kidney nikaal liya gaya tha. 4 mulzim giraftar, 6 farar. Medical equipment baramad. Hanan ko job ka jhansa de kar be-hosh kiya gaya tha. Case darj, tehqiqaat jari.