Falak Shabir ne Pakistan Idol ke haq mein bayan de kar fans ke dil jeet liye! Show par tanqeed ke bawajood, Falak ne sab participants ko apne gaane gaane ki ijazat de di. Unhone kaha ke unka maqsad naye singers ko platform dena hai taake wo Pakistan ka naam roshan karein. Fans ne unke jazbe ko khul kar saraha.

Actress Sweta Keswani ne bold statement dete hue kaha ke Priyanka Chopra sirf apni madad karti hain, doosre South Asians ki nahi Unhone Mindy Kaling ki tareef karte hue kaha ke woh likhti, produce karti aur South Asians ko industry mein aage laati hain. Sweta ne kaha, “Priyanka successful hain, lekin woh Mindy Kaling nahi hain.”

Katrina Kaif ki pregnancy ke doran unki balcony se li gayi tasveeron ne social media par gussa bhadka diya! Fans ne media portals ko privacy invade karne par shadeed tanqeed ki, jabke Sonakshi Sinha ne bhi post ko “shameful” qarar dete hue kaha “Photographing a woman in her own home without consent is criminal.” Post ko baad mein delete kar diya gaya.

Yami Gautam ne apni film Haq ke baare mein bataya ke UAE mein censor board ne koi cuts nahi diye! Film 15+ category mein approve hui hai aur sab dekh sakte hain. Shah Bano case se inspired ye courtroom drama kisi bhi mazhab ko target nahi karta, Yami ne kaha “Agar wahan issue nahi, toh kahin aur bhi nahi hona chahiye.”

Bollywood actress Malaika Arora ne apni age ko lekar chalte hue social media tanazay ka classy jawab de diya! Kuch logon ne kaha ke woh 52 saal ki ho chuki hain, lekin Malaika ne clear kiya ke unki asli age 50 hai. Unka kehna tha ke “Umar izzat hai yeh aqalmandi, himmat aur self-confidence ki nishani hai.”

Jin Ki Shadi Un Ki Shadi” ke script par naya tanaza ubhar aaya hai! Actor Shamoon Abbasi ka kehna hai ke kahani ka concept unka tha, lekin unhein credit nahi mila. Lekin writer Syed Nabeel ne jawab diya ke asal script unhone likha hai aur teeno Shamoon, Nabeel aur director Sefi Hassan is project ke barabar ke hissa daar hain.

Indian actress Rashmika Mandanna ne aakhirkar Vijay Deverakonda ke saath apni engagement ki afwahon par khamoshi tod di! Eik interview mein jab unse poocha gaya to woh muskura kar boli, “Sabko sab pata hai.” Is jawab ne fans ko crazy kar diya. Usi waqt unki eik video viral hui jismein unke haath mein eik chamakdaar ring nazar aayi.

82 saal ki Indian kisaan khatoon Mahinder Kaur ne Kangana Ranaut ko maaf na karne ka faisla kar liya! Yeh case 2021 ke us waqia se juda hai jab Kangana ne unke khilaaf allegedly eik tauheen amaiz post share ki thi. Ab jab court ne Kangana ki zamaanat manzoor ki, khatoon ne kaha “Main unhein kabhi maaf nahi karungi.”

Abhishek Bachchan ne eik journalist ke ilzaam par zabardast lekin tameez-daar jawab diya! Journalist ne daawa kiya tha ke Abhishek ne apna Best Actor award “I Want To Talk” ke liye khareeda. Is par Abhishek ne kaha, “Maine kabhi koi award nahi khareeda sirf mehnat, khoon, paseena aur aansuon se kamaya hai. Main aur mehnat karke tumhein ghalat sabit karunga.”

Emraan Hashmi ne apni upcoming film Haq ka difa karte hue kaha ke yeh film kisi bhi community ko target nahi karti. Film Shah Bano Case se inspire hai aur Muslim aurton ke haqooq par bunyaad rakhti hai. Emraan ne kaha, “Main eik liberal Muslim hoon agar film ne kisi community ko badnaam kiya hota, main kabhi hissa na banta.”