Actress aur host Mishi Khan ne Saba Qamar par Karachi ke khilaaf bayan dene par tanqeed kar di! Instagram video mein Mishi ne kaha ke Saba ko us shehar ki izzat karni chahiye jahan se unhe naam, shohrat aur paisa mila. Unhone kaha, “Insan ko us jagah ki hamesha qadar karni chahiye jahan se woh ubhra.” Fans bhi Mishi ke saath!

YouTuber Ducky Bhai ka case nayi morh le chuka hai ab unki investigation team khud investigation mein aa gayi! FIA ne NCCA ke 4 officers aur 2 staff members ko 90 lakh rupay rishwat lene ke ilzaam mein giraftar kar liya. Reports ke mutabiq, officers ne Ducky Bhai aur unki wife ko “relief” ke badle yeh paisa liya tha.

Pakistani Superstars Maya Ali aur Bilal Ashraf ki action film “Khan Tumhara” ki release date aagai! Film Eid-ul-Azha 2026 par cinemas mein release hogi. Isse direct kiya hai Mohammad Ehteshamuddin ne, jo Superstar aur Dum Mastam bana chuke hain. Maya aur Bilal ki yeh doosri on-screen jodi hogi. Fans ne bohat excitement show ki.

Asim Azhar ne apne pehle solo album “ASIM ALI” ka elan karte hue fans ko hila diya! Album ke 5th track “Lost and Found” mein eik purani clip dikhai gayi jahan woh aur Hania Aamir catwalk par saath hain fans ne isse unke “romance comeback” ka hint kaha! Album 24 November 2025 ko release hogi.

Hamza Ali Abbasi ne eik recent interview mein kaha ke agar woh Mahira Khan hotay to ab tak drama ki script mangwa chukay hotay! Unhone kaha ke Mahira aur Fawad Khan jaise superstars TV par wapas aane chahiyein kyunke Pakistan ki drama industry un jaise actors se hi chamak sakti hai.

Former NCB officer Sameer Wankhede ne Shah Rukh Khan ki company Red Chillies Entertainment par nishana saadhte hue Netflix series The Ba*ds of Bollywood ko “calculated hit job” qarar diya! Wankhede ka kehna hai ke yeh show unki badnami ke liye banaya gaya hai, jabke Red Chillies ne kaha yeh sirf satire hai, badnami nahi. Case 10 November ko phir suna jaayega.

Eik purani video ne social media par dhamaka kar diya hai jismein Bollywood ke Badshah Shah Rukh Khan dastarkhawan par khaane ke faide samjha rahe hain. SRK kehte hain ke bachpan se unhein sikhaya gaya tha ke zameen par pair andar morh kar baith kar khaana chahiye is se aadmi zyada nahi khaata aur sehatmand rehta hai!

Bollywood actress Mahima Chaudhry aur comedian Sanjay Mishra ki shadi ki viral video ne fans ko hairan kar diya! Social media par speculation ke baad asal baat samne aayi yeh video unki upcoming film “Durlabh Prasad Ki Doosri Shadi” ka scene tha, na ke asli shadi. Promotional stunt ne internet par dhamaal macha diya!

Saba Qamar ne Karachi ke khilaaf bayan par jawab de diya! Social media par backlash ke baad actress ne Instagram par likha, “Breaking News: mere bhi ehsaas hain aur apni raaye hain.” Unhone kaha ke log headlines banane ke bajaye unke kaam par dhyaan dein. Iffat Omar bhi Saba ke support mein aa gayin!

Pakistani actress Rabya Kulsoom ne kaha ke woh aisa koi kaam nahi karengi jisse unki pehchaan na bane. Eik TV show mein baat karte hue unhone kaha ke unhone apni jaga industry mein bohot mehnat se banai hai, lekin aksar unhein unke kaam ka credit nahi milta. Rabya ne kaha, “Ab sirf wahi role karungi jo mujhe as an artist define kare.”