Taliban hukoomat ne mulk bhar mein fiber optic internet service band kar di. Kabul aur kai sobay mutasir, high-speed internet bilkul band hai aur mobile data sirf 2G chal raha hai. Hukoomat ka kehna hai “ghair ikhlaqi content” rokna hai, magar shahrion, students aur media ke mutabiq ye azaadi-e-rae dabane ki koshish hai. Internet connectivity sirf 14% reh gayi.

Bollywood style icon Aishwarya Rai Bachchan ne Paris Fashion Week me ramp par jalwa bikhair diya. 51 saal ki actress ne Manish Malhotra ki diamond-studded indigo sherwani pehni jo traditional aur modern couture ka shandar mix thi. Sherwani me diamond embroidery, brooches aur luxe detailing shamil thi. Aishwarya ki viral tasweeren aur videos ne social media par dhamaka kar diya.

MrBeast ko nayi video par shadeed tanqeed ka samna. Unhon ne eik stuntman ki jaan khatre me dal kar $500,000 (14 crore PKR se zyada) ka inaam rakha. Video me stuntman ne aag, dhamako aur death traps face kiye. MrBeast ka kehna hai sab kuch professionals ne test kiya aur emergency team maujood thi, lekin fans ne isay “pagalpan” aur “intehai khatarnaak” qarar diya.

Okara mein eik shocking case samne aaya jahan Shabir, apni 20 saal ki beti ko rape karne ke baad uske pregnant hone par beti aur newborn ka qatal kar diya taake crime chhupa rahe. Shabir ke bete Shehbaz aur beti Sania par bhi is cover-up mein madad dene ke ilzaam hain. Police ne suspect ko arrest kar liya aur investigation jari hai.

Apple ki iPhone 17 series launch hone ke baad users ko AI feature bug ka samna hai. iPhone 17 ke 4 models me software bug ki complaints aayi hain jisme AI features properly kaam nahi kar rahe. iPhone 17 series me iPhone 17, iPhone 17 Pro, iPhone Air, Apple Watch 11 aur AirPods Pro 3 shamil hain, aur iPhone 17 Air ko CEO Tim Cook ne “future ka glimpse” qarar diya.

Actor Faisal Rehman ne kaha ke rishte waqt ke sath bohot badal gaye hain. Pehle larkiyan khoon se letters likhti thin, jazbaat aur qurbaniyan bohot gehri hoti thi. Aaj kal sab casual ho gaya hai coffee meetups, hangouts aur dating ko tarjeeh di jati hai. Unke mutabiq modern love ab comfort aur companionship par zyada focus karta hai.

Yashma Gill ne web show me bataya ke showbiz walon ko deeni kaamon par is liye criticize kiya jata hai kyunke log unki glamorous onscreen zindagi ko hi asli samajh lete hain. Aur actors bohot mehnat karte hain. Yashma ne share kiya ke unhon ne western outfit me bhi namaz parh li aur kaha, “Kuch na karne se behtar hai thoda karna.”

20 saal baad mashhoor animated family The Simpsons wapas badi screen par! 20th Century Studios ne confirm kar diya ke The Simpsons Movie Sequel 23 July 2027 ko release hogi. Homer, Marge, Bart, Lisa aur Maggie eik baar phir dhamaka karne aa rahe hain. Pehli film (2007) ne $500M se zyada earn kiya tha. Fans excited hain: kya Homer phir kisi global crisis ka sabab banega?

Mashhoor comedian Lucky Dear 60 saal ki umar mein Lahore mein inteqal kar gaye. Wo pichle 8 mahina se lung disease aur diabetes se joojh rahe tha. Akhir mein coma mein chale gaye aur unke kidneys, liver aur stomach kaam karna band kar diye. Funeral arrangements family ne jald announce karne hain.

IMDb ki report ne Shah Rukh Khan ko pichle 25 saalon ka sabse Mashhoor Indian actor qarar diya. King Khan 130 top movies me se 20 me shamil rahe aur 2000–2004 me 8 superhits di. 2024 ke har week wo Top 10 celebs me rahe. SRK kehte hain: “Cinema ki taqat zubaan aur culture se upar hai.”