Pakistani actor Faisal Rehman ne The Blue Truth podcast me Shahrukh Khan ki stardom aur acting par baat ki. Unho ne kaha ke London me Shahrukh se mulaqaat hui thi, jahan Moroccans bhi uske fan nikle. Faisal ne kaha: “Shahrukh screen par paani ki tarah flow karta hai, fans jeetne wale actors hi successful hote hain aur uske paas asli stardom hai.”

Karachi me drugs ke aadhi aur professional bhikario ke khilaaf operation! Do din me Gulshan-e-Iqbal, Alamgir Road aur Ferozabad se 34 bhikari aur drug sellers giraftar. 26 bachay Edhi Home shift, 8 hardcore bhikari police k hawale. Report commissioner ko submit. Bhikari mafia strong, signals aur bazaars par qabza, Ramzan me jannat bana lete hain!

DG Passports Mustafa Jamal Qazi ne announce kiya k Pakistan me passports ka backlog zero ho gaya! Bangladesh ke High Commissioner Iqbal Hussain ne Passport HQ visit karke modern facilities, AI-based production aur overseas Pakistanis ke liye online services ka jaiza liya. High Commissioner ne system reforms ko saraha aur is success ko bari kaamyabi qarar diya.

Punjab Govt ne E-Taxi Scheme 2025 launch kar di! Lahore me 1,100 electric taxis distribute hongi, baad me scheme dusre shehron tak phailayi jayegi. 10 hatchback aur sedan models, 4.9m se 10m tak price, 5 saal k easy zero-markup installments par milenge. Delivery 60–90 din me. Ab tak 2,261 applications receive, scheme eco-friendly transport promote karegi.

Apple ne iPhone 17 Air launch kar diya jo sirf eSIM par chalega, physical SIM ka daur khatam! Device slim design, badi battery aur kam plastic waste k sath aya hai. 2030 tak 3.1 billion phones eSIM par shift hone ki umeed. Air model globally available hai, magar China me abhi delay hai.

China me beef ki demand barhne par Pakistani companies ko million rupay ke export orders mil gaye! Organic Meat Company ne PSX ko inform kiya k unhein $7.5 million ka frozen boneless beef order mila hai jo eik saal me deliver hoga. Yeh deal CPEC framework k tehat hui. Halal protein products ki demand China me tezi se barh rahi hai.

Commissioner Karachi Hassan Naqvi ne cheeni k naye rate ka notification jari kar diya! Retail price Rs177 per kg aur wholesale price Rs174 per kg fix ki gayi, jo aaj se laagu hain. Agust me crackdown aur TCP tender k baad sugar prices neeche aye tha, ab hukoomat ne official rate set kar diya.

Chhota hero Muhammad Shiraz ne eik aur kaam kar dikhaya! Pehle bachon k liye school banaya, phir free ambulance service launch ki, aur ab apne gaon me clean water tubewell laga dia. Uska mission sirf shohrat nahi, balkay poori community ky masail hal karna hai. Asal real hero, umeed ki roshni!

Pakistan 25 September se IMF ke sath EFF program ki review talks ke liye tayyar hai. $1 billion tranche ki approval pending hai. 22 benchmarks me se 5 complete nahi, including electricity distribution privatization, SOEs Act aur Sovereign Wealth Fund amendments. IMF Public Finance Management Act redrafting aur Corruption Report ka bhi intizar kar raha hai.

Govt ne 113 verified Umrah companies ki list release kar di! Ministry of Religious Affairs ke mutabiq ye list 1447 Hijri tak valid hai. Pilgrims ko advise kiya gaya ke booking sirf verified operators se karein aur payments direct company ke bank account me hi transfer karein. Receipt aur contract ki copy lena zaroori hai.