Actress Alizeh Shah ne kaha ke showbiz mein aana unki majboori thi kyunki unhe apna ghar chalana tha, wo kisi major ki beti nahi. Unho ne add kiya ke “chhote kapre sab pehente hain, isme bari baat nahi,” aur logon ko warn kiya ke unhe control karne ki koshish na karein.

Ad filmmaker Prahlad Kakkar ne confirm kiya ke Aishwarya Rai ka Salman Khan se break-up eik “huge relief” tha. Unhone kaha Salman obsessive aur physical tha, building mein scenes create karte tha. Kakkar ne add kiya ke Aishwarya breakup se nahi, balki industry ke Salman ka side lene se zyada hurt hui, jahan unhe betrayed mehsoos hua.

Paris Olympics ka Gold Medalist Arshad Nadeem World Athletics Championship Tokyo mein medal jeetne se qasir. Final mein 10th position par rahe, do throw foul hua. Injury ki wajah se fitness aur tayyari asar andaz hui. Social media par fans ka shukriya aur wada “Hard work karke comeback karunga, Pakistan ka naam phir roshan hoga!”

Karachi mein red eye infection ke cases record tezi se barh rahe hain! Private aur government hospitals mein rozana dozens patients aankh ki surkhi, dard, soojan, pani aur roshni se chubhan ki complaints le kar pohanch rahe hain. Experts kehte hain barsati mosam, nami aur safai ki kami adenovirus Phela raha hai. Foran eye specialist se rabta karein!

Federal Flood Commission ne NA committee ko brief karte hue kaha k constructions aur bridges nadiyon ke raaston me pani ka flow rok rahe hain. Officials ne bataya k Qadir Abad se Trimmu tak pani ka safar pehle 86 ghante tha jo ab sirf 12 ghante reh gaya. Committee members ne encroachments, climate change aur Bund todne ke faislay par concerns uthaye.

Pakistani students ke liye ahem khabar! British Council Pakistan ne un students ko hidayat di hai jo recently apne exam results hasil kar chuke hain aur UK mein higher education karna chahte hain ke wo foran student visa ke liye apply karein. CAS reference aur tamam zaruri documents ready honi chahiye. Application gov.uk/student-visa par submit ki ja sakti hai.

Lahore, Defence: Police ne mulzim Ahmed ko giraftar kar liya jo eik din pehle ghar mein ghus kar family ko bandi banaye baitha tha. Usne apne dost 32 saal ke Hassan ko hammer aur chaku se brutal tor par qatal kiya. Laash kamre se nikali gayi, aala-e-qatal baramad, aur case widow ki muddaiyyat mein darj kar liya gaya.

Honey Trap gang ki sargna Ghulam Batool adalat ke bahar se police ne girftar kar li! Batool ne Wasim par naukri ka jhansa dekar jhoota harassment ka case banaya aur us ke khandan se lakhon rupay taawan mangti rahi. Footage me 15 lakh ki demand aur 5 lakh advance maangna samne aaya. Inspector Sana Nazir ne case darj kar diya.

Legendary writer Nasir Adeeb, creator of Maula Jatt aur The Legend of Maula Jatt, ne Fahad Mustafa ka project reject kar dia! Eik podcast mein unho ne bataya k director Fajar Raza ne unhein dialogues likhne bulaya tha, magar script pasand na aayi. Adeeb ne foran Fahad Mustafa k samne reject kar dia, kehte hua “kahani kamzor hai.”

Bijli mehngi hone ka imkaan! Nepra 29 September ko fuel adjustment case sunega. August ki adjustment ke liye CPPA ne request file ki hai. Bijli 19 paisa per unit barh sakti hai jo K-Electric users par bhi lagu hogi. August mein 14.22 billion units produce hua aur cost 7.50 rupay per unit rahi.