Saba Faisal ne eik TV show mein apni choti bahu Nisha ko “sache Musalman” ki misaal qarar diya. Unhone kaha ke Nisha ne walid ke inteqal par sabr aur iman dikhaya, ghar mein positive mahol laya aur unke depression ko bhi kam kar diya. Saba Faisal boli: “Uska aqeeda itna mazboot hai ke har musibat mein Allah ka shukr ada karti hai.”

Actor Syed Jibran ne Asia Cup 2025 final mein Pakistan ki haar ke baad fast bowler Haris Rauf par ki gayi sakht tanqeed par public apology de di. Instagram story mein unhone afsos ka izhar kiya ke ghalti sirf eik khiladi ki nahi balki poori team ki thi. Jibran ne likha: “Maazrat, mujhe behtareen insaan banna chahiye.”

Pakistani actress Hania Aamir Bangladesh mein mashhoor YouTuber Iftikhar Rafsan ke ghar dawat par pohanchin. Unhone family ke sath mulaqaat ki, traditional khanon ka maza liya aur video kuch hi der mein viral ho gayi. Fans ne Hania ki simplicity aur Rafsan family ki hospitality ko saraha. Hania ko khas taur par Bangladeshi gulab jamun bohot pasand aaye.

Lahore Sessions Court ne YouTuber Ducky Bhai ki bail par faisla reserve kar liya. Prosecutor ne bataya ke unke accounts mein 21 crore rupay mile hain jinka source clear nahi. Ilzaam hai ke unho ne Binomo, Bet365 aur illegal apps promote ki. NCCIA kehta hai 46 apps ban, FIR mein Ducky pe Binomo manager hone ka bhi charge.

Rajab Butt ne kaha agar parhai kar leta to zindagi asaan hoti. Rajab ne maan liya ke taleem ki kami ne safar mushkil banaya. Rajab Butt ka yeh bayan youth ke liye wake-up call hai ke education hi behtareen zindagi ki guarantee hai. “Parh liya hota to itni jad o jehad na hoti,” uska afsos.

Dr. Rauf Parekh ke mutabiq dono sahi hain! Urdu mein masdar (parhna, likhna, khana) muzakkar aur moannas dono tor pe istemal hoti hai. Misal: roti khani hai / roti khana hai, namaz parhni hai / namaz parhna hai. Delhi walay moannas form ko tarjeeh dete hain (parhni), Lucknow walay muzakkar (parhna). Matlab, dono qawaid ke hisaab se theek hain!

Netflix ne Bollywood legend Parveen Babi ki biopic series ke liye rising star Triptii Dimri ko cast kar liya! Series ka direction Shonali Bose karengi aur shooting March 2026 se shuru hogi. Parveen Babi, 70s-80s ki bold aur modern heroine, Deewar, Amar Akbar Anthony aur Shaan jesi hits ka hissa rahi. Ab sab ki nazar Triptii ke performance par hai.

Actress Sana Javed ne apne naam se banaye gaye jali verified Facebook page ko expose kar diya. Is fake page ke 17 lakh followers hain jabke unke asli official page ke 12 lakh. Instagram story mein Sana ne fans ko alert karte hua kaha ke ye fraud hai, main isse control nahi karti. Unhone page report kar diya hai.

Ayeza Khan ke bhai ki shadi ke baad unki ex-fiancée ki purani posts aur tasveerain viral ho gayi jisme Sara Khan ko bhi target kiya gaya. Fans foran Sara ke support mein kharay ho gaye aur kaha ke wo happily married hain Falak Shabir ke sath aur unki family life ko aise rumors se disturb nahi karna chahiye.

Nobel laureate Malala Yousafzai ke Malala Fund ne Gaza mein kaam karne wali NGO ko $100,000 fund dene ka elan kar diya. Yeh paisa un bachon ki taleem aur zaroori services ke liye hoga jo jang se mutasir hain. 2023 se Malala Fund Gaza ke liye $700,000 se zyada grants de chuka hai. Malala ka zor: “Ceasefire aur bachon ka mustaqbil bachao.”