Fashion world mein naya clash! Designer Faiza Saqlain ne openly Maya Ali ko copy karne ka ilzaam laga diya keh rahi hain unke dress se le kar model aur backdrop tak sab “inspired” tha. Faiza ne apni Insta story mein likha, “Should I be flattered?” Fans ne debate chhed di: coincidence ya copy?

Social media par Falak Shabir ka eik video viral ho gaya hai jismein unhone eik fan ko rok diya jab usne unki wife Sarah Khan ke saath photo lene ki koshish ki. Aam taur par calm aur romantic nazar aane wale Falak is dafa kaafi protective lage fans keh rahe hain, “Falak’s chill mode: temporarily off!”

Yashma Gill ke star-studded birthday bash ne social media ko hila diya! Hania Amir ne apni stunning entry aur pyari birthday wish se sab ka spotlight chura liya. Saboor Aly aur doosre celebs bhi mojood, lekin Hania ki bubbly energy ne event ka mood hi badal diya. Fans dono stars ki dosti par fida!

Main Manto Nahi Hoon ke student-teacher romance par uthne wali controversy ke baad Lahore ke universities ne nayi policies lagu kar di hain. Actress Atiqa Odho ne bataya ke ab educational institutes ne apne campuses mein drama shoots par ban laga diya hai. Wajah “drama ne institutions ki image ko nuqsan pohanchaya.” Social media users ka mixed reaction aya.

Mahira Khan eik nayi controversy mein aa gayi. Unke chehre ke badle hua features dekh kar fans ne Botox aur fillers ki afwahen phela di hain. Lahore mein film Neelofar ke event par Mahira ki tasveerain viral hui jahan unka look thoda “phoola hua” laga. Fans ne kaha  “Natural beauty khatam ho gayi!”Mahira ne ab tak koi reaction nahi diya.

Actress Zubab Rana ka naya abaya look social media par garam behas ka sabab ban gaya. Unke latest outfit par fans ke mixed reactions aaye  kisi ne kaha “Tauba, yeh abaya hai ya fashion show?” jabke doosron ne kaha “She looks elegant and confident.” Kuch logon ne mazaak udaya, toh kuch ne unki style ko bold aur classy kaha.

Pakistani superstar Saba Qamar ne apne fans ke liye heartfelt message share kiya jismein unhone mental health ke importance par baat ki. Actress ne kaha, “Jese hum physical health ka khayal rakhte hain, waise hi mental health bhi zaroori hai.” Saba, jo UNICEF ki ambassador hain, ne bataya ke woh dua, exercise aur painting se apne tough times ko handle karti hain.

Hira Mani ne bataya ke woh Indian actress Kareena Kapoor ki bohat badi fan hain. Unhon ne kaha, ‘Main hamesha se Kareena ke style, fashion aur confidence ki admire mein rahi hoon. Kisi film mein uska kirdar ada karna mere liye izzat ki baat hogi, woh meri ultimate inspiration hain, aur unki filmein dekh kar mujhe bohot kuch seekhne ko milta hai

Saba Qamar eik baar phir controversy ka shikar ho gayi. Eik podcast mein unhone kaha, “Astaghfirullah, kabhi nahi,” jab unse poocha gaya ke kya woh Karachi shift hongi. Baad mein kaha, “Mujhe Karachi pasand nahi, sirf kaam ke liye jaati hoon.” Fans ne is bayan par gussa zahir kiya, keh rahe hain “Karachi ke baghair dramas kaise bante hain?”

Mashhoor singer aur internet sensation Chahat Fateh Ali Khan ne aakhirkar khamoshi tod di. UK mein eik restaurant ke bahar un par kuch logon ne anday phaink diye. Eik show mein Chahat ne bataya ke restaurant walon ne madad nahi ki aur CCTV footage bhi nahi di. Ab woh is waqia par qanooni action le rahe hain.