20 saal baad mashhoor animated family The Simpsons wapas badi screen par! 20th Century Studios ne confirm kar diya ke The Simpsons Movie Sequel 23 July 2027 ko release hogi. Homer, Marge, Bart, Lisa aur Maggie eik baar phir dhamaka karne aa rahe hain. Pehli film (2007) ne $500M se zyada earn kiya tha. Fans excited hain: kya Homer phir kisi global crisis ka sabab banega?

Mashhoor comedian Lucky Dear 60 saal ki umar mein Lahore mein inteqal kar gaye. Wo pichle 8 mahina se lung disease aur diabetes se joojh rahe tha. Akhir mein coma mein chale gaye aur unke kidneys, liver aur stomach kaam karna band kar diye. Funeral arrangements family ne jald announce karne hain.

IMDb ki report ne Shah Rukh Khan ko pichle 25 saalon ka sabse Mashhoor Indian actor qarar diya. King Khan 130 top movies me se 20 me shamil rahe aur 2000–2004 me 8 superhits di. 2024 ke har week wo Top 10 celebs me rahe. SRK kehte hain: “Cinema ki taqat zubaan aur culture se upar hai.”

Britain me 36 saal ki Heli Black ne eik zordaar yawn lene par apni neck ki haddi se aage khisak gayi. Jaldi ambulance bulai gayi aur operation ke baad wo bachi. Heli ne 6 mahina wheelchair me guzare, ab partially sehatyab hain, lekin ab bhi neck, back aur arm pain mehsus hota hai.

Pakistan ka sabse bara music show Pakistan Idol 2025 4 October se shuru ho raha hai aur sab se pehle Geo TV par air hoga. Judges me Rahat Fateh Ali Khan, Fawad Khan, Zeb Bangash aur Bilal Maqsood shamil hain aur Shafaat Ali hosting karenge. Mulk bhar ke talented youth is stage par apni awaaz aur hunar dikhayenge, aur naya superstar ka faisla hoga.

Danish Taimoor ko eik purane bold drama clip ke viral hone par tanqeed ka samna hai. Clip me Danish aur Jia Ali ko bold scenes me dekha ja sakta hai. Social media users pooch rahe hain ke ye drama Pakistan TV par kaise air hua. Danish pehle bhi “Man Mast Malang” drama ke bold scenes ki wajah se criticize ho chuke hain.

Actress Madiha Imam ne khulasa kiya ke unse pehli dafa Turkey trip par jaali currency istemal ho gayi jo unhon ne Pakistan se exchange karwayi thi. Fruits kharidte waqt vendor ne pakar liya aur gussa kiya, magar eik Turkish driver ne unki payment kar di. Madiha ne kaha ke us waqt main “bohot mushkil mein phans gayi thi.”

Lahore court ne YouTuber Saad ur Rehman urf Ducky Bhai ke case mein IO ko jaldi investigation mukammal karne ka hukum de diya. Ducky Bhai pe online gambling apps promote karne, money laundering aur illegal payments lene ke ilzamat hain. NCCIA ne uske phone se WhatsApp chats aur payments ke saboot bhi recover kiye. Case October 2 ko dobara sunaa jaayega.

Actor-director Yasir Nawaz aur host Nida Yasir ka beta Balaj eik viral video ke baad social media par tanqeed ka nishana ban gaya. Clip mein Balaj se “Baba ki girlfriend” ka sawal kiya gaya jahan usne mazaak-masti mein jawab diya. Netizens ne parents ki tarbiyat aur inappropriate questions par sawal uthaye, aur is act ko ghalat qarar diya.

Saudi Airlines (Saudia) ne Apple ka “Find My Feature” baggage tracking ke liye launch kar diya! Ab musafiron ko apne saman ka secure location link iPhone, iPad ya Mac se mil sakta hai, jo Saudia portal se connect hoga. Feature 7 din tak active rahega aur safe, encrypted sharing ensure karega. Yeh sahulat khaas taur pe Pakistani travelers ke liye mufeed hogi.