Kareena Kapoor ne Instagram par “Happy Sunday Dosts” wish karte hue ek parenting message share kiya. Unhone kaha ke bachon ko sirf smart nahi, balke kind raise karna zaroori hai, kyunki grades aur jobs fade ho jati hain, lekin character hamesha rehta hai. Kareena ne Saif ke saath apne parenting differences bhi discuss kiye aur overprotective mother hone ka zikr kiya.

Pakistani film Neelofar par Fiza Ali ne apne morning show mein baat karte hue Mahira Khan ki blind girl performance par tanqeed ki. Unka kehna tha ke blind log awaaz ki direction mehsoos kar lete hain, lekin trailer mein Mahira ka sahi direction mein face na hona ghalat portrayal hai. Fiza ne directors se realistic acting par zor diya.

Muneeb ne kaha kay Allah ne aurton mein naturally bohot sabr diya hai. 9 mahine bache ko apne pait mein rakhna, phir raat ko har 1.5 ghante pe uth kar bacha ko sulana aur har cheez ka khayal rakhna… Ye sab karne ke liye bohot sabr chahiye. Unki mohabbat aur dedication waqai respect ke laayak hai.

Pakistani TV actors Sabeena Syed aur Khaqan Shahnawaz ne Instagram par ek khoobsurat post ke zariye apni engagement announce kar di. Dono ne traditional Punjabi outfits mein open fields mein pictures share ki. Fans aur industry ke doston ne couple ko mubarakbaad aur best wishes dena shuru kar di hain.

Famous actress Laiba Khan ne Hasna Mana Hai mein apne viral statement par wazahat karte hue bataya ke unka bayan edit kiya gaya tha. Unhon ne khulasa kiya ke Saba Qamar ne controversy ke baad unhein support, pyar aur duaen bhejein. Laiba ne kaha ke logon ko poora interview dekhna chahiye.

Senior Pakistani artist Jamal Shah ne Nadia Khan ke morning show mein Bollywood ke downfall par khul kar baat ki. Unka kehna tha ke Bollywood ab politics se heavily influenced ho chuka hai aur creativity, meaningful dialogues aur depth khatam hoti ja rahi hai. Jamal Shah ke mutabiq South Indian films, Bollywood se kaafi behtar ban rahi hain.

Famous YouTuber Ducky Bhai ne apne latest vlog mein apni arrest aur jail ke mushkil dinon ka zikar kiya. Unhon ne apni family, khas taur par maa, waalid aur wife Aroob ke be-misaal support ko saraha. Ducky Bhai ne clear kiya ke woh Pakistan chhor kar kahin nahi ja rahe aur case legally fight karenge.

Famous digital creator Pyari Maryam ke waalid ne pehli martaba media se baat karte hue Click News ko interview diya. Unhon ne Maryam ki zindagi, mehnat, confidence aur family ke liye struggles ka zikar kiya. Unka kehna tha ke Maryam ek strong aur khush mizaj larki thi, aur unki wafat Allah ke faislay se hui.

YouTuber aur TikToker Rajab Butt ek nayi controversy mein phans gaye hain jab unhon ne TikTok live par Dubai mein rehne wali ek famous Indian TikToker se openly apni mohabbat ka izhar kiya. Flirty behavior par social media par sakht reaction aa raha hai, khas taur par is liye ke Rajab married aur father bhi hain.

YouTube family vloggers Sistrology apni latest video ki wajah se sakht tanqeed ki zad mein aa gaye hain. Content mein mother ke fake accident ka prank dikhaya gaya jo views ke liye banaya gaya. Social media users ne is prank ko ghair zimmedarana qarar diya aur family ko call out kiya.