Yamaha ne Pakistan mein motorcycle manufacturing officially band kar di hai! Company ne kaha yeh decision business policy change ki wajah se hai. Lekin customers tension na lein, spare parts YMPK dealers se milte rahenge aur warranty services bhi jari rahengi. Yamaha ne users ka shukriya ada kiya aur support ka wada dobara kiya.

Ontario mein workers ke liye badi khabar! 1 October 2025 se minimum wage barhakar $17.60 per hour kar di gaya. Abhi $17.20 chal raha hai, yani 40 cents ka izafa. Full-time kaam karne walon ko mahina ka $64 extra milega. Hukoomat ka kehna hai ke ye step mehangai ko dekhte hue low income workers ke liye asaaniyan laayega.

Scientists ne announce kar diya ke duniya ka 8wa bar-e-azeem “Zealandia” discover ho gaya! Ye New Zealand aur New Caledonia ke darmiyan hai aur 4.9 million sq km area cover karta hai. 11 scientists ki research ke mutabiq Zealandia ki geo features Australia se bilkul alag hain. Abhi officially accept hona baqi hai, lekin experts ise bara breakthrough keh rahe hain.

Karachi mein monsoon barsaat jari, sabse zyada 129.6mm Surjani Town mein record hui. North Karachi 72mm, Korangi 70mm, Defence 70mm aur kai areas mein light to moderate rain hui. Met Office ke mutabiq silsila agle 2 din tak jari rahega. Malir aur Lyari streams mein pani barh gaya, low-lying areas mein flood water gharo tak ghus gaya.

Israel ne Qatar mein Hamas leaders ko target karte hua airstrike ki, jisme Khalil al-Hayya ka beta aur paanch log halak, magar top leadership bach gai. Qatar ne strike ko “cowardly” aur sovereignty ki violation kaha. US ne location par afsos jataya, Europe ne condemn kiya. PM Shehbaz Sharif ne bhi Israel ki aggression ki mazammat ki.

Supreme Court ka additional registrar (judicial) Waseemur Rehman Khakwani sirf 5 maheene baad duty se relieve ho gaya. Sources keh rahe hain ke wo office politics ka shikaar bana aur CJP Yahya Afridi se request ki. Is seat par case fixation hota hai. Nazar Abbas ka continuation lobby ho raha hai. SC PRO ne kaha Khakwani ne personal reasons diye.

October se Pakistan ki auto industry par IMF ke pressure pe 57 safety rules lagu honge, abhi sirf 17 apply ho rahe hain. Govt ne Pakistan Automotive Institute banane ka plan banaya hai. Import policy tough: Type D cars ban, fake chassis/engine wali entry band. Motor Vehicle Industry Act 2025 ke tehat unverified gaadiyon ki sale bhi banned hogi.

Karachi ke New Karachi Industrial Area mein 3-storey garment factory mein subah 6 baje aag lag gayi jo puri imarat mein phail kar gir gayi. 10 fire tenders aur snorkel ne blaze bujhaya. Koi andar phansa nahi, lekin 5 log, rescue workers aur cameraman samait, zakhmi hua. Sab ko Abbasi Shaheed Hospital shift kiya gaya, condition stable hai.

Pakistan duniya ke top 5 AI users mein shaamil, survey ke mutabiq 4th number par Pakistan hai. Zyada tar Pakistanis AI ko positive samajhte hain, lekin experts warn kar rahe hain ke AI se IT aur service jobs replace ho rahi hain aur critical thinking weak ho rahi hai. Govt pe ethical guidelines aur strong AI policy banane ka pressure barh gaya.

Be-rozgar Pakistani youth ke liye BISP Hunarmand Program launch! Is program mein free training, monthly stipend, graduation bonus aur certificate diye jayenge. Courses IT, health, hotel management, construction, beauty aur textile fields mein honge (duration 3-6 months). Sirf eik family member register ho sakta hai. Registration ke liye visit karein hunarmand.bisp.gov.pk