Mathira ki ramp walk ki video social media par viral hote hi users ne unhein sakht tanqeed ka nishana banaya. Fashion event mein silk  libaas mein nazar aane wali Mathira ko logon ne unki walk aur performance par unimpressive qarar diya. Kuch users ne unke wazan par bhi comments kiye. Mathira kafi arse se host ke taur par kaam kar rahi hain.

Fawad Khan ne ek interview mein bataaya ke woh apni wife Sadaf ki mohabbat mein 1998 ki Lahore ki sardi mein giraftar hue. Unhon ne kaha ke MM Alam Road par ek restaurant mein thandi dhund bhari shaam aur Lahore ka romantic mahol unhe Sadaf ki taraf naturally khench laaya. Fawad ne Lahore ko ek classic romantic shehar qarar diya.

Nadia Khan ne drama Pamaal mein Saba Qamar ke comeback performance ki tareef ki. News 24 HD ke show ‘Kya Drama Hai’ mein unhone kaha, “Saba Qamar kal bhi pyari thi, aaj bhi graceful hai,”. Nadia ne Saba ke Malika ke kirdar aur unke jazbati struggles ko bhi highlight kiya. Drama ne shuru se hi audience ka dil jeet liya.

Mohsin Abbas Haider ne International Men’s Day ke mauqe par Instagram story par ek bold paighaam share kiya, jismein unhone poocha ke kya mardon ko unki biwi, behen ya girlfriend ki taraf se koi appreciation milta hai. Unka paigham “Nobody cares about men” par khatam hua. Ye post viral hui aur social media par mixed reactions samne aaye.

Hamza Ali Abbasi ne social media par apne Pakistani fans se appeal ki ke woh india ke logon ko nafrat ka nishana na banayen. Unhone kaha ke “Humein bari takleef hoti hai jab Bollywood ki filmon mein humein dehshat gard dikhate hain, to humein bhi ye rawayya nahi rakhna chahiye.” Unhone Indian fans ke pyaar aur izzat ko bhi highlight kiya.

Momina Iqbal ne apni industry aur mulk ko tarjeeh dete hue kaha ke woh apne logon ke beech khush hain. Jab unse poocha gaya ke agar mauqa mile to Bollywood mein kaam kareingi, to unka jawab tha, “Nahi, main apne logo mein khush hoon.” SRK ke saath kaam karne ka sawal bhi unhone mana kiya.

Farah Khan ne kaha ke unhone apni filmon se kabhi itni kamai nahi ki jitni ek saal mein unke YouTube vlogs se hui. Unka channel 2.5 million subscribers ke saath mashhoor hai aur unke vlogs chef Dilip ke saath viral hue. Farah ne bataya ke YouTube ne unhe creative freedom aur financial independence di hai.

Feroze ne podcast mein kaha ke woh kabhi aurat ko nahi maarta aur na hi us par bandook tanne walay aadmi hai. Unhon ne bataya ke unka ek rishte ka masla tha jisme ek “bohot bura din” aaya aur baad mein un par jhoote ilzaamat lag gaye. Feroze ka kehna hai ke woh hamesha aurat ki izzat karte hain or karte rahengy.

Tabish Hashmi ne Karachi Mayor se interview mein kiye gaye teekhay sawalon par baddi wazahat de di! Unka kehna hai ke Karachi se itni mohabbat hai ke jazbaat control nahi hue. Tabish ka kehna tha ke shehar 35 saal se tabah haal hai, is ka poora ilzaAm sirf aik saal pehle aaye Mayor par nahi dala ja sakta.

Dr Nabiha ne ek interview mein kaha ke viral shadi ke baad shadeed tanqeed ne unhe itna affect kiya ke woh Haris Khokhar se divorce ke baare mein soche tak lag gayi theen. Social media par zevar aur kharchon par criticism ne unhe depression mein daal diya. Unhone is waqt ko “zindagi ka sabse bura waqt” qarar diya.