Meghan Markle ne allegedly King Charles ko ek secret letter likh kar royal rules par sawaal uthaye. Reports ke mutabiq, Meghan ne shikayat ki ke working royal honay ke bawajood us par baqi royals se zyada aur mukhtalif pabandiyan lagai gayin. Woh apne saath honay wale different treatment par wazeh jawab chahti thi.

2025 mein Pakistani dramas ki kai on-screen joriyan audience ko impress na kar sakin. Weak chemistry, forced romance, age gap aur kharab script ki wajah se Sheheryar, Ushna, Wahaj, Maya, Faisal, Hina, Feroze, Dur-e-Fishan aur Mawra, Zaviyar jaisi joriyan sakht tanqeed ki zad mein rahin aur expectations par poori na utar sakin.

Bollywood ki superstar actress Kiara Advani ne Instagram par apna 2025 recap share karte hue motherhood aur career achievements celebrate kiye. Actress ne beti Saraayah ke saath moments, husband Sidharth Malhotra ke saath trips aur professional highlights post kiye. Kiara ne 2026 ke liye gratitude aur excitement ka izhar bhi kiya.

Mashhoor host aur actress Nida Yasir ne trolling se deal karne ka tareeqa bata diya. Unhon ne kaha ke wo trolls ko ignore karne ke bajaye un se seekhne ki koshish karti hain. Nida ke mutabiq wo sirf bekaar aur negative tanqeed ko nazarandaz karti hain, jab ke constructive feedback ko positive leti hain.

Actress Minal Khan ne waalid ki wafat ke 5 saal mukammal hone par Instagram par jazbati paigham share kiya. Unhon ne kaha ke waalid ke baghair guzra har lamha sadiyon jaisa lagta hai. Minal ne likha ke 5 saal lakhon barson ke barabar mehsoos hotay hain aur dubara mulaqaat ki umeed ka izhar kiya.

Pakistani TikToker Rajab Butt ne interview mein apni hairan kun kamai ka raaz khol diya. Unhon ne bataya ke jila watni aur cases ke bawajood unki income par zyada asar nahi pada. Sirf TikTok live se dedh mahine mein taqreeban 9 crore rupay kamaye, jabke YouTube par activity kam rahi.

Virat Kohli ne Instagram par Anushka Sharma ke saath khushi bhari tasveer share karte hue 2026 ka welcome kiya. Dono ne face mask painting ki aur pyar bhari smiles di. Virat ne caption mein likha, “Stepping into 2026 with the light of my life.” 2025 mein Virat ne IPL jeeta aur Test cricket se retire hua.

Bollywood ke legendary actor Amitabh Bachchan KBC 17 ke set par Dharmendra ko tribute dete hue jazbati ho gaye. Unhon ne Dharmendra ko sirf ek shakhs nahi balke ek “ehsaas” qarar diya. Amitabh ne film Ikkis ko unki aakhri yaadgar performance bataya aur dono ke gehre rishte ko yaad kiya.

Alia Bhatt ne kaha hai ke beti Raha ki pedaish ke baad woh ab ek waqt mein sirf ek film karna pasand karti hain. Actress ke mutabiq, motherhood ke baad unka kaam karne ka pace slow ho gaya hai, lekin woh is comfortable routine se khush hain aur har role ko poori energy dena chahti hain.

Karan Johar ne social media par ek lamba note share karte hue logon se kaha ke failures celebrate karna band karein. Yeh bayan us waqt aaya jab un ki film Tu Meri Main Tera Main Tera Tu Meri box office par struggle kar rahi hai. Karan ne grace, kindness aur doosron ki success celebrate karne par zor diya.