Asad Siddiqui ka kehna hai ke parents ko bachon ko 7 saal se pehlay school nahi bhejna chahiye, kyunke is umar mein bachay naazuk hotay hain aur schooling sirf ek “paise kamane ki machine” ban chuki hai. Unhon ne kaha ke Finland mein bhi 7 saal se pehle school allow nahi hota. Asad ke mutabiq parents khud bachon ki behtar rehnumai kar sakte hain.

Nimra ne apni zindagi ka dardnaak pehlu share karte hue bataya ke pedaish par unhe reject kar diya gaya kyunke woh chauthi beti theen. unhone kaha ke 9 saal ki umar mein unke baal larkon ki tarah kaat diye aur unhe “Ali Bhai” bulaya jata tha. Doctors ne ghar walon ko warn kiya kay ye sab unki mental health kay liye sahi nahi.

Farhan Saeed ne film Tich Button ki naqami ki wajah batadi! Podcast mein unka kehna tha ke team ki non-professional attitude, late ana, nakhray, aur ghalat casting ne project ko tabaah kar diya. Sard mosam, screen tests ke issues aur commitment ki kami ne film ko “touch” kar ke rakh diya. Farhan ka iqraar “Dobara in logon ke saath kaam nahi karunga!”

Sanwal Yaar Piya ke director Danish Nawaz ka bold bayan saamne aa gaya! Unhon ne clear kar diya ke Ahmed Ali Akbar aur Feroze Khan dono ne hi zabardast performance di aur kisi ne kisi ko sideline nahi kiya. Danish ke mutabiq Sanwal aur Aaliyar dono mukhtalif nature ke kirdaar hain, jinko dono actors ne poori zimmedari se nibhaaya.

Ranveer Singh ne apni love story Deepika Padukone ke sath yaad ki jo Ram Leela ke Udaipur shoot ke doran shuru hui thi. Sangeet mein speech dete hue unhone kaha ke Udaipur love stories ke liye lucky hai. 13 saal saath, 7 saal shadi aur ek pyari beti Dua ke sath, ye unke liye khaas safar raha.

Bollywood actress Kriti Sanon ne Delhi ki badhti hui pollution par fikr ka izhar kiya. Press conference mein unhone kaha ke hawa ki quality roz barhti ja rahi hai aur authorities ko foran action lena chahiye. AQI 559 tak pohanch gaya hai. Kriti ne apne co-star Dhanush ki tareef bhi ki aur unki upcoming film Tere Ishq Mein ka zikr kiya.

Pakistani drama industry ke mashhoor actor Salman Saeed ne apni recent interview mein khulasa kiya ke woh apni mangni mein ghair hazir the aur shadi ke din bhi der se pohanche. Interview mein unhone bataya ke haq mehar ki bhi puri kahani hai jab mangni mein faislay nahi ho rahe the, unhone 50 lakh ka kaha to unhone 1 crore ka likhwaya.

Gambling App Scandal mein bara mor Ducky Bhai ki bail application Lahore High Court ne sunwai ke liye fix kar di! Case ki hearing 24 November ko hogi. Ducky Bhai 17 August se hirasat mein hain aur un par gambling apps ki promotion ka ilzaam hai. High Court ne dono taraf ke wakeelon ko daleelain pesh karne ka hukum de diya.

Khan Family se bari breaking news! Aiman aur Minal Khan ke bhai aur unki wife ne announce kar diya hai ke woh apna pehla baby expect kar rahe hain. Unka pregnancy shoot social media par dhamaka kar chuka hai, jahan fans unhein mubarakbaad aur pyaar bhej rahe hain. Yeh khushkhabri poori industry mein excitement ka bais ban gayi hai.

Miss Mexico ko “Fake Winner” qarar diya! Former Miss Universe judge Omar Harfouch kehte hain ke Raul Rocha ne Fatima Bouch ko pehle hi winner select kar liya tha, kyunke unke walid se business ties maujood thi. Omar ne final se 24 ghante pehle TV par result predict bhi kar diya tha. Miss Universe 2025 controversy ne global stage par sawal uthaa diye!