Senior TV host aur actress Nadia Khan ko drama writer Umera Ahmed se mutaliq apni raye achanak badalne par social media par sakht tanqeed ka samna hai. Nadia Khan ne haal hi mein Umera Ahmed ke drama Kafeel ki tareef ki, jis par users ne unke purane tanqeedi bayanaat yaad dila kar unhein hypocrisy par target kiya.

Saal 2025 Pakistan ke liye showbiz aur public figures ke hawalay se kaafi ghamgeen raha. Is saal senior aur young celebrities, jin mein actors, artists aur intellectuals shamil hain, hum se bichar gaye. Unki wafat ne fans aur industry ko gehra sadma diya, jab ke unki services hamesha yaad rakhi jayengi.

Pakistani actress aur TV host Fiza Ali ne Hira Mani aur social media star Alina Aamir ke viral ramp walk controversy par khulay taur par reaction diya hai. Unhon ne kaha ke senior artists ko chahiye ke naye aur ubharte huay talent ke liye jagah banayein. Unke mutabiq, invited artists ko stage par poori izzat aur proper space milni chahiye.

Bollywood superstar Salman Khan ki 60th birthday party Mumbai ke Panvel farmhouse mein shandar taur par manayi gayi. Party mein diverse menu tha, jismein vegetarian aur non-vegetarian starters, daal, paneer dishes aur French desserts shamil the. Mehmanon ke liye special wine vans ka bhi intizam tha. Guests mein cricket captain MS Dhoni aur actor Manish Paul bhi shamil the.

Bollywood ke legend Amitabh Bachchan ne behtareen actor ka award khareedne ki peshkash ko sakhti se mustarad kar diya tha. Producer Manoj Desai ke mutabiq, Big B ka kehna tha ke woh kabhi award nahi khareedte. Unke qareebi dost Dharmendra bhi isi usool par qaim rahe aur aisi har peshkash se inkaar kiya.

Bollywood couple Ranveer Singh aur Deepika Padukone ki New York mein low-key Christmas celebrations ki tasveerain social media par viral ho gayi hain. Fans ke saath li gayi candid photos ne internet par dhamaal macha diya. Winter outfits mein simple aur relaxed nazar aane wali is jori ko dekh kar fans ne unki khushi aur bonding ki khoob tareef ki.

Pakistani actor aur host Faisal Qureshi ne kaha ke woh itni sehatmand zindagi chahtay hain ke apne bachon ko unke paon par khara dekh saken. Podcast mein unhon ne apni parental worries aur Pakistan mein social aur governmental support ki kami par roshni daali. Faisal Qureshi apne bachon ke saath quality time guzarne par bhi focus karte hain.

Pakistani all-rounder Imad Wasim ne apni wife ke khilaaf talaq ka case darj karne ki tasdeeq kar di hai. Unhon ne social media par kaha ke kuch saalon se unke aur unki wife ke darmiyan ihktalafat hal nahi ho sake is liye talaq ka case file kiya. Imad ne public se request ki hai ke unki private life ka ehtaraam kiya jaye

Internationally mashhoor singer Ali Zafar ne apna naya music album Roshni release kar diya hai, jiska gaana Rukhsana social media par tezi se viral ho raha hai. Is gaane ne chand dinon mein million views hasil kar liye hain. Album mukhtalif music styles ka khoobsurat fusion hai, jabke Rukhsana ka cinematic music video bhi fans ki khaas tawajjo hasil kar raha hai.

Actress aur entrepreneur Komal Aziz Khan ne young women ko mashwara diya hai ke shadi ko financial plan na banayein. Instagram Q/A mein unka kehna tha ke career par focus karein aur financially independent banne ki koshish karein. Unka yeh bold message social media par kaafi viral ho gaya aur followers ne isay women empowerment ke liye important qadam qarar diya.