Virat Kohli ka bachpan ka humshakal Vadodara mein training session ke doran viral ho gaya. Chhota fan jab autograph lene Kohli ke paas gaya to logon ne isse “time travel moment” qarar diya. Social media par fans ne comparisons share kiye aur “Mini Kohli” ko kaafi pasand kiya ja raha hai.

Mashhoor singer Atif Aslam ne apne chhotay fan ka din khaas bana diya. Mehndi event ke doran Atif ne bachay ko stage par bula kar gaane ka moka diya, jis ne song “Aadat” ga kar sab ke dil jeet liye. Video social media par viral ho rahi hai aur log bachay ki singing aur Atif ke gesture ki tareef kar rahe hain.

Child star Naziha Zainab ne bataya ke jab unhon ne pehli baar shooting ke doran Mawra Hussain ko dekha to woh “peeli pari” lag rahi thin. Private TV show mein baat karte hue unhon ne kaha ke drama Jama Taqseem ke set par Mawra ko dekh kar woh bohat impressed aur khush ho gayi thin.

Nadia Khan ki umar par ek baar phir sawalat uth gaye jab unki 1996 ke drama Pal Do Pal ki purani BTS tasveer viral hui. Fans ne tasveer dekh kar unki age ka andaza lagana shuru kar diya. Social media par mukhtalif logon ne mukhtalif claims kiye, jiss se nayi behas chhir gayi.

Actor Imran Khan ne Vishal Bhardwaj par lagaye gaye ilzamaat par qaim rehne ka elan kar diya. Unhon ne kaha ke woh backlash ke darr se apni sachai bolne se peeche nahi hatenge. Imran ka kehna hai ke industry mein sab scripted baatein karte hain, jabke woh apna tajurba share kar rahe hain.

Kareena Kapoor ne bataya ke apne sons Taimur aur Jeh ko holiday pics ke liye pose karne par majboor karte waqt woh ice cream ka use karti hain. Instagram par mazakia post share karte hue unhone family moments aur parenting ke fun moments dikhaye. Kareena ne 2025 ki mushkilat ke baad positivity aur nayi energy ke saath 2026 ka aaghaz bhi share kiya.

Kafeel ke actor Abdullah Khan Niazi ne apni struggle story share kar di. Unhon ne bataya ke lockdown ke doran kaam ke liye buses mein safar kiya lekin role kisi aur ko mil gaya. 36 ghantay bhookay rahe, family ke taanay sune aur saalon ki mehnat ke baad aaj pehchan hasil ki.

Pakistan ke mashoor YouTuber Rajab Butt ne biwi aur uske ghar walon ko final warning de di. Brother-in-law Aon Muhammad par social media par nafrat aur jhooti baatein phailane ka ilzaam lagaya. Rajab ne recordings aur screenshots honay ka dawa kiya aur kaha ke ab sabr khatam ho chuka hai.

Actress Mehwish Hayat ne apni birthday celebration doston aur showbiz ke qareebi logon ke sath celebrate ki. Glamorous black aur silver outfit mein Mehwish ne sab ki tawajjo hasil ki. Party mein Humayun Saeed, Ushna Shah, Yashma Gill aur kai mashhoor celebrities ne shirkat ki, jabke tasveerain social media par viral ho rahi hain.

Emraan Hashmi ne Dhurandhar ki kamyabi par khushi ka izhar kiya aur Bollywood mein “crap mentality” ko criticize kiya. Unka kehna hai ke industry aksar films ko unnecessarily run-down karti hai, lekin successful films poore industry ke liye faidemand hoti hain. Emraan ne Dhurandhar ke marketing aur audience response ki bhi tareef ki aur film ko “great” qarar diya.