Iffat Omar ne bataya ke dramas me shadi ki raat ko bohot zyada fantasise kiya jata hai jabke haqeeqat alag hoti hai. Unhon ne bataya ke unhon ne apni shadi ki raat zameen par baith kar sirf salami ke paise ginnay me guzari thin kyunke wo rakam ke baare me bohot curious thin.
Zoya Nasir ne Nadia Khan ke show me drama “Bas Tera Saath Ho” ki late writer Saira Raza ki achanak maut par dukh ka izhaar kiya hai. Unhon ne bataya ke maut se teen din pehle wo bilkul theek thin, cast se milin aur phir unhein achanak cardiac arrest hua.
Zoya Nasir ne Mohsin Abbas Haider ke shooting sets par nasha karne wale dawe se ikhtilaaf kiya hai. Unhon ne bataya ke unke tajurbe me log sets par namazein parhte hain aur kaam se mukhlis hote hain. Unhon ne kabhi kisi ko intoxicated nahi dekha aur apne tamam sets par kaam ko enjoy kiya hai.
Ali Zafar ne apne chote bhai Danyal Zafar ke liye Twitter (X) par khusoosi paigham share kiya hai. Unhon ne drama “Zanjeerein” me Danyal ki behtareen adakari par fakhar ka izhaar karte hue unke porane songs ko appreciate kia. Danyal ne bhi is tareef par apne bhai ka shukriya ada kiya.
Nauman Ijaz ne aik video me Halal aur Haram ke farq par baat karte hue kaha ke Khuda ne iska faisla insan par chora hai. Jab aik fan ne unki showbiz kamai par sawal uthaya, to unhon ne karara jawab dete hue kaha ke kabhi apne Gireban me bhi jhank kar dekhna chahiye.
