Pakistani actress Hira Khan ne eik show mein hairat angez waqia share kiya ke unhon ne apni do saheliyon ke saath mil kar eik daku ko bhaga diya. Yeh waqia lockdown ke doran Karachi mein wapas aya jab eik aadmi ne unse loot maar ki koshish ki. Hira ne cheekh kar aur hosla dikhate hua use bhagaya.

Pakistani actor Mohib Mirza ne eik podcast mein kaha ke bachon ki parwarish sirf maa ki zimmedari nahi hoti, baap ko bhi barabar ka hissa lena chahiye. Unhon ne bataya ke woh apne dono bachon ke diapers khud badalte hain aur ghar ke kaamon mein Sanam Saeed ka pura saath dete hain, jaise bartan dhona aur safai mein madad karna.

Bollywood actress Rakhi Sawant ne Urvashi Rautela se apna muqabla karne walon par ghussa zahir karte hua kaha ke “mera muqabla Shakira, JLo aur Kim Kardashian se karo, Urvashi se nahi main uski tarah jhoot nahi bolti.” Rakhi apne naye gaane Zaroorat ki promotion mein mehengi jewelry pehne nazar aayin jiska daawa hai ke qeemat 70 crore rupay hai.

Pakistan ki mashhoor actress Mahira Khan ne Eik interview mein unhon ne bataya ke woh apna shadi ka jora apni bahu ko dena chahti hain. Mahira ne kaha ke unka jora Umar Saeed ne tayyar kiya tha, jo eik khaas Hyderabadi design hai, mohabbat aur jazbe se bana hua.

Aamna Sheikh ne eik podcast mein kaha ke larkiyon ko shadi ka faisla akele nahi lena chahiye, balke waliden ki raza mandi zaroori hoti hai. Unhon ne bataya ke unki doosri shadi parents ke mashware se hui, aur agar pehli bhi woh karwate to behtar hoti. Aamna ne kaha, “Waliden zindagi ke faisle behtar samajhte hain.”

Pakistan ki khoobsurat aur mashhoor actress Alizeh Shah ne eik baar phir social media ko alvida keh diya hai. Unhon ne apne Instagram se tamam tasveerain delete kar di hain aur kaha ke woh is faislay se khush hain. Alizeh ka kehna tha ke “woh purani Alizeh wapas nahi aayegi,” fans ne unki mental health par fikar ka izhar kiya.

Saba Azad ne apne boyfriend Hrithik Roshan ke saath holiday photos Instagram par share kar ke fans ko delight kar diya. Dono ko winter outfits mein Beverly Hills, Los Angeles mein enjoy karte dekha gaya. Caption mein Saba ne likha, “Nothing better than winter walking.” Fans ne comment section ko pyaare messages se bhar diya, keh rahe hain.“So cute together!”

Ibrahim Ali Khan ne apni pehli film Nadaaniyan ke baare mein khul kar baat karte hua kaha ke unhone Bollywood mein shuruat karte waqt socha tha “ho jaayega”, lekin ab unhein mehsoos hota hai ke woh thoda jaldbazi mein tha. Actor ne maana ke unhein apne debut se pehle zyada mindful aur tayyar hona chahiye tha.

Shah Rukh Khan aur Salman Khan ki dosti hamesha ups and downs ka shikar rahi hai. 2004 mein SRK ne Koffee With Karan par kaha ke unhone apne parents ke dead bodies ko hug kiya lekin kabhi Salman ko nahi kyunke unke liye “sorry kehna” mushkil hai. Unhone maana ke agar Salman naraaz hai to ghalti unki apni hai.

Konkona Sen Sharma ne Deepika Padukone ka support kiya, keh rahi hain Deepika “progressive” hai aur 8 ghante kaam ka demand bilkul sahi hai. Unhone kaha, “Industry mein rules hone chahiye, sab ke liye equal ho mardon ko late aane, auraton ko bachay chhod kar overtime karne ki zarurat na pade.”