Yumna Zaidi ne social media par drama “Aik Aur Pakeezah” ki team ko khiraj-e-tehseen pesh kiya hai. Unhon ne Sehar Khan aur Nameer Khan ki behtareen acting aur on-screen chemistry ki dil khol kar tareef ki. Director Kashif Nisar ki hidayat-kaari ko appreciate karte hue Yumna ne kaha ke is sanjeeda mozu ko bohot khoobsurti se nibhaya gaya hai.
Sanam Saeed aur Emmad Irfani ka drama ‘Kafeel’ YouTube par 100 Million views cross kar chuka hai. Sirf 22 episodes mein milne wali is zabardast popularity ne ise ek digital record-breaker bana diya hai. December 2025 mein shuru hone wala ye drama har episode ke sath YouTube par trend karta rehta hai.
Mashhoor adakara Sehar Khan ne next generation ke bachon ki parwarish ke bare mein ek zaroori paighaam diya. Unka kehna hai ke bachon ko mil jul kar rehna, mohabbat karna aur narmi se baat karna sikhana chahiye taake woh larna jhagra karne ke bajaye achhi baaton aur ek jaisi soch par tawajjo dein.
Pakistan ke superstar Shaan Shahid apni nayi film Bullah ke sath dhamakedar wapsi kar rahe hain. Unhon ne film ka naya spiritual gana ‘Lajpalan’ share kiya hai, jis mein wo apne purane mashhoor Zill-e-Shah wale andaz mein darbar par dhamal daltay nazar aa rahe hain. Fans is naye kalam aur Shaan ki acting ko bohat pasand kar rahe hain.
Sahar Hashmi apni marhooma walida ko yaad karte hue jazbaati ho gayeen. Unhon ne ek intehai dukh bhari video share ki jis mein wo apni walida ki judai ka gham bayan kar rahi hain. Sahar ka kehna tha ke kuch din un par bohot bhari guzarte hain aur wo hamesha apni maa ki maujoodgi ko mehsoos karti hain.
