“Hamari Larai Ko Social Media Ne Barha Diya” Bushra Ansari Ka Javed Sheikh Ke Saath Hone Wale Tanazay Par Bara Bayan
Bushra Ansari ne bataya ke aik taqreeb ke doran Javed Sheikh or unke darmiyan ikhtilaf hua tha, jisay social media ne bohat barha charha kar pesh kiya. Bushra ka kehna hai ke unki dosti purani hai aur wo Eid par dobara aik saath thay, magar aaj kal social media mamooli baat ko bhi bari “controversy” bana deta hai.
“Itni Bari Kamyabi Par Humayun Saeed Ghabra Gaye Thay” Resham
Adakaara Resham ne Humayun Saeed ki sharafat ka qissa share kiya hai. Unhon ne bataya ke “Mere Paas Tum Ho” ki kamyabi par Humayun ghabra gaye thay aur unhe yaqeen nahi aa raha tha. Resham ke mutabiq, Humayun ne unki bhanji se mil kar sabit kiya ke wo itne bare star hone ke bawajood be had ache insan hain.
Main Ne Washroom Jana Chhor Diya, Ali Ansari Ka ‘Muamma’ Ke Set Par Khofnaak Waqiye Ka Inkishaaf
Ali Ansari ne apne naye drama “Muamma” ke set par hone wala aik khofnaak waqia share kiya hai. Unhon ne bataya ke set ke washroom mein aik crew member ne paranormal activity mehsoos ki, jis ke baad Ali ne wahan jana hi chhor diya. Is waqiye ke baad set par mojood tamam log dehshat mein mubtala ho gaye.
Maya Khan Par Gham Ka Pahar, “Baba Jan” Ke Inteqal Ki Dil Dehla Dene Wali Khabar
Mashhoor host aur adakaara Maya Khan ke “Baba Jan” is duniya se rukhsat kar gaye hain. Maya Khan ne Instagram par is dukh bhari khabar ka elan kiya aur bataya ke wo Liaquat Ali Khan ke potay thay. Walida ke inteqal ke baad is bare sadme ne Maya Khan aur unke chahne walon ko ghamzada kar diya hai.
Kya Ye Mahira Khan Hain Ya Nora Fatehi?
Mahira Khan ke new photoshoot ne social media par aik nayi behas cherdi hai. Fans ka manna hai ke Mahira Khan ne apne is naye avatar mein bilkul Bollywood star Nora Fatehi ko copy kia hai. Bohat se logon ne unke is “b*ld” look par hairat ka izhaar kiya hai.
Log Pathar Ke Zamane Se Kaam Kar Rahe Hain Aur Ab Ja Kar Hit Hue Hain, Javeria Saud Ki Yumna Zaidi Par Tanqeed
Javeria Saud ne Eid show ke doran Yumna Zaidi ki umar aur career par tanqeed kardi. Yumna ne is par kaha ke show mein dikhayi gayi bachpan ki tasveer hi jhooti thi. Unhon ne Javeria ko verify kar ke baat karne ka mahswara diya. Social media par fans Javeria ke is rawayye ki sakht mazammat kar rahe hain.
“Main Na Zyada Conservative Hoon Na Liberal” Ali Ansari Ka Apni Mazhabi Soch Aur Zindagi Guzarne Ke Andaaz Par Bara Bayan
Ali Ansari ne apni soch par khul kar baat karte hue kaha ke wo na zyada (conservative) hain aur na hi zyada liberal. Unka manna hai ke wo darmiyaana rasta pasand karte hain aur mazhab ko balance ke saath zindagi ka hissa banate hain. Ali ka ye bayan social media par kaafi tawajjo hasil kar raha hai.
“Resham Aik Behtareen Insan Hain, Doosron Ki Tazleel Band Karo” Mishi Khan Ka Deedar Ke Bayan Par Shadeed Rad-E-Amal
Mashhoor host Mishi Khan ne Deedar ki janib se Resham par lagaye gaye ilzamaat ka karara jawab de diya. Mishi ne kaha ke ratings ke liye doosre adakaaron ki tazleel band honi chahiye. Unhon ne Resham ko aik behtareen insan qarar dete hue kaha ke jo log unki niji zindagi par baat kar rahe hain, wo pehle apne gireban mein jhaankein.
“Gas Nahi Aati Magar Bill 26 Hazaar Kya Main Gas Kha Rahi Hoon?”: Sadia Imam
Sadia Imam ne gas ke bhari bills par hukumat par kadi tanqeed kardi. Unhon ne gussay mein sawal kiya ke gas na hone ke bawajood 26 hazaar bill kaise agaya? Sadia ka kehna hai ke itne bhari bill dekh kar aisa lagta hai jaise wo gas kha rahi hain. Unka ye bayan mehangai se pareshan awaam ki bharpoor tarjumani kar raha hai.
“Meera Khamoshi Se Aag Se Guzar Gayi” Adakaara Ka Apni Zindagi Ki Androoni Jangon Par Jazbaati Paighamaat
Meera ne social media par apni zindagi ki mushkilaat ke bare mein aik gehri baat share kardi. Unhon ne kaha ke har mazboot aurat ki zindagi mein aik aisa chapter hota hai jo wo kabhi bayan nahi karti. Aur bataya unhon ne bhi khamoshi se mushkil waqt guzara hai aur wo aaj bhi har mushkil ka samna karne ke liye khari hain.