Pakistan Idol Ka Finale Nahi Hoga Petrol Ki Kami Ka Bahana Ya Paison Ka Chakkar Show Ke Achanak Band Hone Par Awam Ka Shadeed Gussa
“Pakistan-Idol” achanak band kar diya gaya hai jis se fans naraz hai. Intizamia ka kehna hai ke mulki halat aur petrol ki kami ki wajah se show mukkamal nahi kiya ja sakta, is liye ab koi finale nahi hoga. Doosri taraf awam is bahane ko manne ko tayyar nahi aur social media par makers ko “paisa khane” par troll kar rahi hai.
“Joint Family Ka Sab Se Bara Fayda” Muneeb Butt Ka Ghar Ke Masail Aur Buzurgon Ki Ehmiyat Par Dilchasp Bayan
Muneeb Butt ne joint family mein rehne ke fayde batate hue kaha hai ke bare buzurgon ki mojoodgi ghar ke liye barkat hoti hai. Unka manna hai ke jab maa baap aur bare ghar mein hon, to chotay motay jhagray aur masail asani se hal ho jatay hain. Muneeb ke mutabiq buzurgon ka hona ghar mein sukoon ka sabab banta hai.
“Mujhe Nahi Pata Mere Account Mein Kitne Paise Hain” Humayun Saeed Ka Apni Biwi Samina Aur 28 Saala Shadi Par Dilchasp Bayan
Humayun Saeed ne apni 28 saal ki kamyab shadi ka raaz bata diya. Unhon ne apni biwi Samina ki tareef karte hue kaha ke unki kamyabi ke peeche Samina aur Sana ka bara hath hai. Humayun ne bataya ke unhe apne bank account tak ka pata nahi hota kyunke sab kuch unki biwi sambhalti hain.
“Log Kehte Hain Main Imran Khan Jaisa Lagta Hoon” Emmad Irfani Ka Apne Naye Look Aur Kaptaan Se Comparison Par Dilchasp Bayan
Emmad Irfani ne Imran Khan se apne (comparison) par baat ki hai. Emmad ka kehna hai ke unke naye photoshoot ke baad har koi unhe Kaptaan se mila raha hai, jo unke liye bohat baray aizaz ki baat hai. Unhon ne kaha ke Imran Khan jaisa charisma kisi ka nahi aur unke samne frame mein koi aur nazar hi nahi aata.
“Dunya Tamasha Dekhne Mein Mahir Hai” Hira Mani Ka Zindagi Ki Talkh Haqeeqat Par Bayan
Hira Mani ne social media par gehri baat share karte hue kaha ke dunya tamasha dekhne aur banane mein mahir hai. Unhon ne fans ko mashwara diya ke “Jab bhi tootna akele mein tootna,” kyunke log dard baantne ke bajaye uska mazaq urate hain. Hira ki is post ne fans ko zindagi ki talkh haqeeqat par sochne par majboor kar diya hai.
“Social Media Par Frustrated Aunties Baithi Hain” Nida Yasir Ka Trolling Karne Walon Ko Karara Jawab
Mashhoor host Nida Yasir ne unhein troll karne walon ko “frustrated aunties” keh diya hai. Nida ka kehna hai ke ye log kaam ke bajaye unki umar aur looks par ghalat comments karte hain kyun ke wo apni zindagi se khush nahi hain. Unhon ne saaf kaha ke makhsoos log sirf celebrities ki burai karne ke liye social media par baithay hain.
“Aisi Aurton Ko Nishan-E-Ibrat Banana Chahiye” Ali Zafar Ki Jeet Par Iqrar-ul-Hassan Ka Meesha Shafi Ke Khilaaf Sakht Bayan
Iqrar-ul-Hassan ne Ali Zafar ko Meesha Shafi ke khilaaf case jeetne par mubarakbaad dii. Unhon ne kaha ke aise jhootay ilzamaat asli victims ka nuqsan karte hain aur Meesha par lagaya gaya 50 lakh ka jurmana bohat kam hai. Iqrar ke mutabiq aisi aurton ko “nishan-e-ibrat” banana chahiye taake koi kisi shareef aadmi par jhoota ilzaam lagane ki himmat na kare.
“Rabeeca Khan Aur Hussain Tareen Ki Umrah Adaygi” Khana-E-Kaaba Se Share Ki Gayi Tasaveer Social Media Par Viral
Mashhoor digital stars Rabeeca Khan aur Hussain Tareen ne khush qismati ke saath Umrah ada kar liya. Dono ne Khana-e-Kaaba se apni tasaveer aur safar ke lamhaat fans ke saath share kiye. Social media par unke is roohani safar ko saraha ja raha hai aur fans unhein mubarakbaad de rahe hain.
“Nida Yasir Ka Dhaniya Wala Sawal Viral” Morning Show Queen Aik Baar Phir Social Media Par Trolling Ka Shikaar
Nida Yasir apne naye sawal ki wajah se aik baar phir viral hogayi. Gardening ke segment mein adakaara Fazila Qazi ne jab dhaniya mehfooz rakhne ka zikr kiya, to Nida ne hairat se pooch liya ke “Kya dhaniya dabbe mein bhi ugta rehta hai?” Is sawal par social media sarfeen unka mazaq ura rahe hain aur dilchasp comments kar rahe hain.
Haan Main Attention Seeker Hoon: Faisal Rehman
Faisal Rehman ne aitraaf kiya hai ke wo “attention seeker” hain, Unhon ne bataya ke unki shirtless aur dancing videos sochi samjhi planning ka hissa hain taake log unhein dekhein. Faisal ka kehna hai ke har actor tawajjo ka bhooka hota hai aur Quaid-e-Azam se milne wala unka purana bayan bhi sirf mazaq aur viral hone ke liye tha.