Hania Aamir 20 Lakh Rupay Deserve Karti Hain: Faysal Quraishi Ne Podcast Controversy Par Hania Ki Himayat Kar Di
Faysal Quraishi ne Hania Aamir ki podcast ke liye 20 lakh rupay maangne ki himayat kar di. Apne Ramzan show mein Faysal ne kaha ke Hania aik international star hain aur woh itni bari raqam deserve karti hain. Unhon ne mazeed kaha ke agar Hania kisi show par aati hain toh views millions mein jate hain, is liye unki demand bilkul theek hai.
Rajab Butt Ne Apni Girti Hui Popularity Ka Ilzam Biwi Eman Par Laga Diya
Rajab Butt ne social media par apne 3 saal mukammal hone par fans se shikwa kiya. Unhon ne kaha ke career ki teesri anniversary par unke subscribers barhne ke bajaye kam ho rahe hain. Rajab ne is nakami ka zimmedar apni biwi Eman aur unke darmiyan jari talaq ke jhagray ko thehraya, jis ki wajah se unhein logon ki tanqeed ka samna hai.
Fiza Ali Ne Shaitan Ka Takht Sambhaal Liya Hai: Dr. Nabiha Ali Khan Ke Shohar Ka Fiza Par Sakht Hamla
Dr. Nabiha ke husband Haris Khokhar ne Fiza Ali par tanqeed karte hue unhein “shaitan ki nishani” qarar de diya. Unhon ne ilzaam lagaya ke Fiza Ali ne TRP ke liye unke zaati maamlat ko TV par uchala aur ghar ujaadne ki koshish ki. Haris ka kehna tha ke mian-biwi ke masail digital media par lane se bat aur bigar jati hai.
Mizna Waqas Viral Controversy Ke Baad Shoaib Malik Par Baras Parein
Mizna Waqas ne Shoaib Malik ke khilaaf apne gusse ka izhaar kiya. Mizna ka kehna hai ke Shoaib Malik ne apne show mein baar baar unka naam galat liya, jo ke kisi bhi guest ki toheen hai. Unhon ne wazahat ki ke halankay unki koi zati dushmani nahi hai, lekin har anchor ko apne guest ka naam sahi tarhan se lena chahiye.
Omer Shahzad Aur Shanzay Lodhi Ne Apni Shadi Ke Unknown Details Bata Di
Omer Shahzad aur unki wife Shanzay Lodhi ne Nida Yasir ke show mein apni shadi ke dilchasp raaz khol diye. Shanzay pehle Omer ki fan thi, lekin inki jori Omer ki behan ne banwayi. Hairat ki baat yeh hai ke shadi se pehle dono ne zyada baat nahi ki aur na hi mulaqatein kien, kyunke dono ki families kafi strict hain.
Kaise Sana Askari Ke Shohar Apne Ghar Mein Djinn Le Aye?
Sana Askari ne bataya ke unke shohar Minhaj Askari ko horror content ka itna shauq hai ke unhon ne ghar mein hi studio bana liya hai. Sana ke mutabiq, horror kahaniyan record karne ki wajah se ghar ka mahool “Djinn-friendly” ho gaya hai. Unhon ne bataya ke unhein ghar mein ajeeb awaazein sunayi deti hain, jis se woh kafi dar jati hain.
Shees Sajjad Gul Ke Mutabiq Mere Paas Tum Ho Ek Overrated Drama Tha
Shees Sajjad Gul ne apne hi blockbuster drama “Mere Paas Tum Ho” ko overrated qarar de diya hai. Shees ka kehna hai ke ye ek aam sa drama tha jisay zaroorat se zyada hype mili. Unhon ne mazeed kaha ke unhon ne koi khas acting nahi ki thi, sirf lines parh kar boli thin aur wo khud bhi ek overrated adakar hain.
Javeria Saud Ne TRPs Ke Liye Aansuon Aur Tragedies Ka Istemal Shuru Kar Diya
Host Javeria Saud par social media users ne bari tanqeed ki. Logon ka kehna hai ke wo apne Ramzan show mein gareeb logon ki takleef aur aansuon ko sirf apni ratings aur TRP barhane ke liye istemal kar rahi hain. Social media par un ke is rawaiye ko ghair-sanjeeda kaha ja raha hai aur show par pabandi ka mutalba ho raha hai.
Dr. Nabiha Ali Khan Ne Rajab Butt Aur Emaan Ki Talaq Ki Controversy Par Khamoshi Torr Di
YouTuber Rajab Butt aur unki ahliya Emaan Fatima ke darmiyan talaq ki khabron ne shiddat ikhtiyar kar li hai. Rajab Butt ne Emaan ko divorce notice bhaij diya hai, jis par Emaan ne shadeed gham o gussay ka izhaar kiya. Is silsilay mein Dr. Nabiha Ali Khan ne apna public message jari karte hue dono ko ghar bachane ka mashwara diya hai.
Imad Wasim Ki Doosri Wife Nyla Rajah Apni Real Skin Ki Wajah Se Social Media Par Shadeed Trolled
Imad Wasim aur unki doosri wife Nyla Rajah aaj kal sakht tanqeed ki zad mein hain. Controversial shadi aur ex-wife par legal case ke baad, ab Nyla ki laser treatment wali video viral ho gayi hai. No-makeup look dekh kar internet users unki “real skin” ko troll kar rahay hain aur Imad ki ex-wife Sannia se unka muqabla kar rahay hain.