Adakara Ramsha Khan Ki VJing Ke Zamane Ki Purani Video Social Media Par Viral
Superstar Ramsha Khan ki VJing ke doran ki aik purani video social media par tezi se viral ho rahi hai. Is video mein unka purana fashion aur andaz dekh kar fans hairan hain aur unki sakht mehnat ki tareef kar rahe hain. Yaad rahe ke Ramsha ne haal hi mein adakar Khushhal Khan se shadi ki hai.
Ghazal Jawad Apnay Bhai Rajab Butt Ke Bete Kivan Sultan Ka Zikar Karte Hue Ro Pare
Mashhoor YouTuber Rajab Butt ki behan Ghazal Jawad ne haal hi mein apne bhatijay Kivan Sultan ke liye jazbaati paigham share kiya hai. Interview ke doran rote hue unhon ne kaha ke yeh unke bhai ke liye bohot mushkil waqt hai. Ghazal ne un logon ko bhi jawab diya jo Rajab par bacho mein farq karne ka ilzaam lagatay hain.
Jab Meri Betiyon Ka Nikah Hua, Uske Baad Hi Unhe Mobile Diya Hai: Shahid Afridi
Shahid Afridi ne betiyon ki parwarish ke hawale se aik dilchasp inkishaaf kiya hai. Unhon ne bataya ke unhon ne apni do betiyon ko mobile phone sirf unka nikah hone ke baad hi diya. Afridi ka yeh bayan social media par naye naye qawaid aur tarbiyati usoolon ke hawale se aik nayi behas ka aghaz kar raha hai.
Shadi Ke Baad Honeymoon Par Jaane Ke Bajaye, Main Apne Shohar Ke Saath Hajj Ki Saadat Hasil Karungi: Saba Qamar
Adakaara Saba Qamar ne shadi ke baad honeymoon ke bajaye apne shohar ke sath Hajj par janay ki khwahish ka izhaar kiya hai. Unhon ne kaha ke wo dunyawi chhuttiyon ke bajaye roohani sukoon aur Allah ki ibadat ko tarjeeh dena chahti hain. Unke is pur-khuloos bayan ki social media par khoob tareef ho rahi hai.
Farhan Saeed Aur Mamya Shajaffar Ki Film Love Di Soun Ka Trailer Dekh Kar Fans Mayoos
Farhan Saeed aur Mamya Shajaffar ki nayi film Luv Di Saun ka trailer release ho gaya hai. Eid-ul-Adha par release honay wali is film mein action aur romance ka tarka lagaya gaya hai. Magar internet sarifeen trailer se khush nazar nahi aa rahe aur ise wahi purana “ghissa pitta” idea qarar de rahe hain.
“Mein Ne Jaan Boojh Kar Saada Style Apnaya”; Apne Look Par Hone Wali Trolling Par Hiba Bukhari Ka Karara Jawab
Hiba Bukhari ne UK ke aik event mein apne saadgi bhare look par hone wali trolling ka jawab de diya hai. Unhon ne bataya ke unhein aik desi khandaan ne apni dukan ki iftitahi taqreeb ke liye bulaya tha, isliye unhon ne jaan boojh kar saada libas pehna taake wo un logon ka hissa lag saken.
“40 Saal Ke Mard Gen Z Bane Hue Hain”: Amar Khan
Amar Khan ne industry mein mard aur aurat ke darmiyan “ageism” par sawal uthaya hai. Unhon ne kaha ke mard 40 ki umar mein bhi jawan kirdar nibhate hain, magar khawateen ko chand saal baad hi mature roles de diye jate hain. Amar ne Hollywood adakaaraon ki misaal dete hue is rawayye ko khatam karne ka mutalba kiya.
“Jahan Par Khawateen Ke Liye Rules Aur Itna Shor Sharaba Hota Hai, Wahan Par Mardon Ko Khayal Rakhna Chahiye”: Mishi Khan Reacts To Fahad Mustafa Wearing Shorts During Interview
Mishi Khan ne Fahad Mustafa ke interview mein shorts pehnne par kadi tanqeed ki hai. Unhon ne kaha ke jahan khawateen ke libas par itne rules aur shor hota hai, wahan mardoon ko bhi ehtiyat karni chahiye. Mishi ke mutabiq public platform par mardon ka aise kapre pehnna munasib nahi aur unhein apne libas ka khayal rakhna chahiye.
“Khawateen Chand Par Pahunch Gayi Hain Aur Hum Weight Discuss Kar Rahe Hain”; Zara Noor Abbas Ka Body Shaming Karne Walon Ko Karara Jawab
Pakistan ki superstar Zara Noor Abbas ne khawateen ke motape or bharte hue wazan par troll karne walon ko shadeed tanqeed ka nishana banaya. Unhon ne kaha ke bacha paida karne ke doran khawateen ka jism tabdeel hota hai aur logon ko unke weight par baat nahi karni chahiye.
Srha Asgar Ne Khubsoorat Shoot Ke Sath Apni Teesri Aulad ‘Alazne Murtaza’ Ka Welcome Kiya
Srha Asgr ne apne shohar Lala Umer ke sath aik khoobsoorat themed photoshoot ke zariye apne teesre baby ka welcome kiya. Donon ne matching red aur black outfits mein apni beti Alazne Murtaza ko dunya se introduce karwaya. Is khushi ke mauqay par social media par fans aur celebrities unhein mubarakbaad de rahe hain.