Pakistan Ka Pehla Reality Rap Show, Talha Anjum Aur Bohemia Judges Muqarrar
Pakistan ka pehla reality rap show Rap Icon Pakistan 2026 announce kar diya gaya hai. Pixel Entertainment ke mutabiq Talha Anjum aur Pakistani-American Singer Bohemia judges nazar ane wale hain. Show ka maqsad naye rap talent ko introduce karna hai. Yeh 10 episodes par mushtamil hoga aur Eid-ul-Fitr ke qareeb on-air kiya jayega.
Chhoti Team Ke Sath Kaam Karna Pasand Hai, Nawazuddin Siddiqui
Bollywood actor Nawazuddin Siddiqui ne kaha hai ke woh badi team ya jum-ghafeer ke bajaye chhoti aur limited team ke sath kaam karna pasand karte hain. Unka kehna hai ke kam log zyada moassar tareeqe se kaam karte hain. Nawazuddin ke mutabiq over-staffing se kaam aur creativity dono mutasir hoti hain.
Sark Par Lawaaris Milne Wale Former Child Star Ka Ilaaj Karwane Se Inkaar
Sarkon par lawaaris halat mein milne wale former Nickelodeon child star Tyler Chase ka kehna hai ke woh mental health treatment lena nahi chahte. 36 saal ke Tyler ko bipolar disorder aur schizophrenia hai, lekin woh rehabs aur madad se inkaar kar rahe hain. Ab woh apni maa ke paas Georgia wapas jaane ka plan bana rahe hain.
Sara Ali Khan Ne Kaha Ke Unki Parwarish Single Mother Amrita Singh Ne Ki
Sara Ali Khan ne kaha ke unki parwarish single mother Amrita Singh ne ki, jis ne unki soch aur confidence ko shape kiya. Actress ka kehna hai ke unhein kabhi apni awaaz dabane ka ehsaas nahi hua. Sara ke mutabiq strong aurat woh hoti hai jo khul kar apni baat rakh sake aur khud par yaqeen rakhe.
Deepika Padukone Par “Skin Lightening Treatments” Karwanay Ka Claim, YouTuber Dhruv Rathee Ke Bayan Par Fans Ka Difa
YouTuber Dhruv Rathee ne apni video mein claim kiya ke Deepika Padukone samait kai Bollywood actresses ne skin lightening treatments karwaye hain. Is bayan ke baad social media par Deepika ke fans ne unka zor-daar difa kiya aur kaha ke Rathee pehle hi Dhurandhar ke khilaaf thay, is liye be-bunyaad allegations laga rahe hain.
Ducky Bhai Ki Birthday Par 10 Lakh Ka Cheque Kis Ne Bheja?
Pakistan ke mashhoor YouTuber Star Saad Rehman aka Ducky Bhai ne apni birthday par ek fan se 10 lakh rupay ka cheque milne ka claim kiya hai. Ye cheque 22 December 2025 ka hai aur reportedly Adil Zahid ne bheja. Ducky Bhai ne kaha ke woh cheque cash karke donate karenge. Fan ke is act ko ducky bhai na appreciate kia.
Sidharth Malhotra Aur Kiara Advani Ne Christmas Par Beti Saraayah Ko “Miss Claus” Ke Look Mein Sajaya, Instagram Par Story Share Ki
Sidharth Malhotra aur Kiara Advani ne Christmas 2025 apni beti Saraayah ke saath celebrate kiya aur Instagram par pyari si jhalak share ki. Couple ne apni baby girl ko “Miss Claus” ke look mein dress kiya. Yeh Saraayah ka pehla Christmas tha, jisay dono ne family ke saath quietly aur special banaya.
Kis Kisko Pyaar Karoon 2 Dhurandhar Ki Wajah Se Peechay Reh Gayi, Ab Theatres Mein Dobara Re-Release Hogi
Kapil Sharma ki film Kis Kisko Pyaar Karoon 2 ko Dhurandhar ki strong box office performance ki wajah se zyada screens nahi mil saki. Film December 12 ko release hui thi lekin impact kam raha. Ab makers ne announce kiya hai ke film January 2026 mein dobara theatres mein re-release ki jayegi.
Saba Qamar Ka Apne Khilaaf Muqadmay Ki Darkhwast Par Tanzia Reaction
Saba Qamar ne apne khilaaf police uniform pehnay ke ilzaam par daakhil darkhwast ke baad pehli baar reaction diya hai. Actress ne Instagram story par tanzia aur mazaahiya andaaz mein kaha ke aaj kal woh bohat zyada mashhoor ho chuki hain. Yeh maamla social media par viral video ke baad uth khara hua.
Akshaye Khanna Se Kaha Gaya Ke Woh “Successful Nahi”, Actor Ne Muskuratay Hue Kaha: “Sab Aagay Hain, Main Race Mein Aakhri Hoon”
Akshaye Khanna ne ek interview mein kaha ke log unhein successful nahi samajhte kyunke woh top stars jaisi success hasil nahi kar paaye. Actor ne muskuratay hue jawab diya ke race mein sab aagay hain aur woh aakhri hain. Unka kehna tha ke success ko sirf superstars se compare karna theek nahi.