“Maon Ki Bardasht Ki Tareef Karein”; Sarwat Gilani Ka Parenting Aur Gharon Mein Shohar Ke Kirdar Par Mashwara
Sarwat-Gilani ne parenting mein mard aur aurat ke kirdar par baat ki hai. Unka kehna hai ke maon ka gussa poore din ki thakawat ka natija hota hai, is liye shohar ko chahiye ke wo apni biwi ki mehnat ki tareef karein. Sarwat ne mazeed kaha ke baap ka apni maa ke saath rishta unki apni parenting par asar andaz hota hai.
Turkish Drama Vibes; Drama ‘Zanjeerain’ Mein Sajal Aly Ka Naya Look Fans Ka Dil Jeet Gaya
Drama serial ‘Zanjeerain’ mein Sajal Aly ke naye look ne social media par dhoom macha di hai. Fans ka kehna hai ke Sajal ka andaz aur drame ki behtareen filming bilkul Turkish dramas ki yaad dila rahi hai. Unki styling aur cinematic feel ki wajah se har taraf unke is naye avatar ke charche ho rahe hain.
Z*khmi Ya Lipstick? ‘Mirza Ki Heer’ Mein Kharab Makeup Par Social Media Par M@zaq Urrne Laga.
Ali Raza ko drama ‘Mirza Ki Heer’ mein kharab SFX makeup ki wajah se social media par sakht trolling ka samna hai. Zakhmi dikhane ke liye istemal kiya gaya makeup dekh kar logon ka kehna hai ke ye khoon nahi balkay gulabi lipstick lag rahi hai. Fans ne A*Y Digital ke low budget aur ajeeb makeup par mazaqiya comments kiye hain.
“Naye Log Izzat Karna Bhool Gaye Hain”; Erum Akhtar Ka Aaj Kal Ke Mashhoor Sitaron Par Tanqeed
Senior adakaara Erum Akhtar ne naye sitaron ke rawayye par afsos zahir kiya hai. Unka kehna hai ke aaj kal ke naye fankaar apne seniors ki izzat karna bhool gaye hain aur professionalism ki kami hai. Erum ke mutabiq, naye log galat kirdar ko milne wali tawajjo dekh kar bad-tameezi par utar aye hain.
Asim Azhar Aur Hania Aamir Aik Baar Phir Saath? USA Se Viral Photos Ne Fans Ko Confuse Kar Diya
Pakistan ke Mashhoor singer Asim Azhar ne social media par apne USA tour ki photos share ki hain, jis mein adakaara Hania Aamir bhi unke saath nazar aa rahi hain. In tasaveer mein dono ko enjoy aur tour ke khoobsurat lamhaat guzarte dekha ja sakta hai. Fans ye dehk ke, unke sath hone ke andaze laga rahe hain.
Labour Day Par Video Banana Fiza Ali Ko Mehenga Par Gaya; Fans Ne Views Ke Liye Mazdooron Ka Istemal Karne Par Aarey Hathon Le Liya
Adakaara Fiza Ali ko Labour Day par mazdooron ke saath video bananay par tanqeed ka saamna hai. Logon ka kehna hai ke unhon ne sirf views aur ratings ke liye mazdooron ko istemal kiya hai. Fans ne mashwara diya ke unhein dikhavay ke bajaye dil se unki izzat karni chahiye thi.
“Aisi Ending Kaise Manzoor Hui?” Atiqa Odho Ka Drama ‘Muamma’ Ki Ending Par Shadeed Izhar-E-Afsos
Senior adakara Atiqa Odho ne drama ‘Muamma’ ke anjam par shadeed mayoosi ka izhaar kiya hai. Unka kehna hai ke drame ka ikhtetaam bohat hi ajeeb aur over-dramatic tha. Atiqa ko hairat hai ke Saba (Jijji) is end par kaise razi huin, kyun ke is mein kirdar ko proper closure nahi diya gaya.
Nadia Hussain Ne Aashir Wajahat Ko ‘Pakistan Ka SRK’ Qarar De Diya
Pakistani Mashhoor adakara Nadia Hussain ne drama ‘Kafeel’ mein Aashir Wajahat ki shandaar adakari ki tareef ki hai. Unhon ne Aashir ke jazbati scene aur confident andaz se mutasir ho kar unhein ‘Pakistan ka SRK’ qarar diya hai, jo ke unke kaam ke liye ek bohat bara aizaz hai.
Drama ‘Zanjeerain’ Ki Pehli Qist; Sajal Aur Ameer Ki Chemistry Ne Jeet Liye Fans Ke Dil
Hum TV ka naya drama ‘Zanjeerain’ pehli hi qist se viewers ke dil jeet raha hai. Sajal Aly aur Ameer Gilani ki chemistry aur purane Hum TV ki yaad dilane wale andaz ko fans bohat pasand kar rahe hain. Farhat Ishtiaq ki kahani aur Shahzad Kashmiri ki direction ne shuru se hi sab ko mutasir kar liya hai.
Asma Abbas Ne Apne Indian Fans Ke Liye Muhabbat Ka Izhar Kar Diya
Mashhoor adakara Asma Abbas ne apne Indian fans aur doston ke liye muhabbat ka izhaar kiya hai. Unhon ne afsos zahir kiya ke siyasi talkhi ki wajah se dono mulkon ke log mil nahi sakte. Asma ne umeed zahir ki ke aik din log bina kisi pabandi ke aik dusre se mil sakenge.