Ali Zafar ne apne chote bhai Danyal Zafar ke liye Twitter (X) par khusoosi paigham share kiya hai. Unhon ne drama “Zanjeerein” me Danyal ki behtareen adakari par fakhar ka izhaar karte hue unke porane songs ko appreciate kia. Danyal ne bhi is tareef par apne bhai ka shukriya ada kiya.
Nauman Ijaz ne aik video me Halal aur Haram ke farq par baat karte hue kaha ke Khuda ne iska faisla insan par chora hai. Jab aik fan ne unki showbiz kamai par sawal uthaya, to unhon ne karara jawab dete hue kaha ke kabhi apne Gireban me bhi jhank kar dekhna chahiye.
Nyla Rajah ne Instagram par shohar Imad Wasim ki cricket trophies saaf karte hue video share ki, jis par netizens ne unhein shadeed tanqeed ka nishana banaya. Logon ka kehna hai ke unhon ne aik biwi aur bachon ke baap ko chura kar doosre ki mehnat par qabza kiya hai.
Ameesha Patel ne dawa kiya hai ke film “Gadar” ke baad unhein Pakistan se bohot pyar mila hai. Unhon ne kaha ke Pakistani khwateen phone par roti thin aur betiyon ka naam Sakina rakha. Taham, Pakistani social media users ne unke is dawe ko jhoot aur khaam-khayali qarar diya
Haroon Shahid ne Ayaz Samoo ke podcast me kaha ke Pakistan infrastructure, taraqqi, safai aur tameez ke mamle me India se kahin behtar hai. Unhon ne Indian media ki taraf se Pakistan ka bura image dikhane par tanqeed ki aur kaha ke haqeeqat janne ke liye unhein khud Pakistan aana chahiye.
