Sushmita ne ek interview mein khulasa kiya ke unhon ne heart surgery se pehle behoshi ka injection lagwane se inkaar kar diya tha. Unka kehna tha ke woh operation ke doran hosh mein rehna chahti theen kyunke be-khabar reh kar surgery karwana unhein aur zyada khaufnaak laga raha tha Sushmita ne bataya operation ke doran woh doctors se baat karti rahi thi.

Faizan Sheikh ne Bollywood ki film Dhurandhar par tanz kay sath stereotypical Pakistani portrayal ko mock kiya. Social media post mein unhon ne hint diya ke Bollywood har dafa wohi purani kahani dobara sunata hai aur “kuch naya try karo” ka mashwara diya۔ Trailer mein Lyari ke gang conflicts , PPP flags aur Benazir references ne bhi Pakistanis mein gussa paida kiya hai.

Pakistani actor Salman Saeed ne bataya ke woh apni mangni mein shamil nahi ho sake aur shadi mein bhi dair se pohanche. Unhone is ki wajah Karachi mein shootings aur COVID-19 ki wajah se darr aur musibatein batayi. Salman ne khud wedding preparations ka intezam kiya, photos khinchi aur mehndi aur shadi ke mamlaat ko manage kiya.

Kanwal Khan ne kaha ke agar shohar apni biwi ko makeup ya beauty care ka saman bhi nahi dilwa sakta to usay shadi nahi karni chahiye. Unke mutabiq biwi ke liye food, shelter aur zaroori cheezen provide karna shohar ki zimmedari hai. Kanwal ne yeh bhi kaha ke parents ko apne beta ki kabil-e-itminan honay ki jaach karni chahiye shadi se pehle.

Farah ne Soha Ali Khan ke podcast mein bataya ke unhone apne poore career, hatta ke itni saari filmein direct karne ke bawajood bhi kabhi itna paisa nahi kamaya jitna unhe YouTube se mila. Unke cooking vlogs jo unke khansama Dilip ke saath viral hue ne unke channel ko bohot popular bana diya. Farah kay mutabiq youtube har pressure se pak hai.

Bollywood actor aur businessman Vivek Oberoi ne kaha ke unhone sirf 16 saal ki umar mein apna pehla 1 crore rupaye kamaye. Pehle 15 saal mein hi woh financially independent ho gaye the aur apni mehnat se stock market mein trading karke paisa kamaya. Aaj woh multiple businesses chala rahe hain aur unke kul assets taqreeban 1200 crore rupaye hain.

Atif Aslam ne interviews ke liye bari fees maangne ke ilzaam ko be-bunyaad qarar diya. Meliha Rehman ke show mein unhon ne kaha ke woh har show mein nazar aane ki zaroorat mehsoos nahi karte, aur na hi woh paisa maangte hain. Atif ne kaha ke Allah ne izzat di hai, is liye log ghalat tashreeh kar lete hain.

Nargis Fakhri ne apni 46vi salgirah par fans ko Rolls-Royce ka photo dikhaya jo unko gift mein mili. Actress ne Instagram par post share kar ke likha ke unhon ne socha ke 2026 ka gift kya hoga. Is post se unki February 2025 mein Tony Big ke saath khufiya shadi ki khabrein tasdeeq hui.

Karan Johar ne ek interview mein bataya ke bachpan mein unhein apni “ladkiyon jaisi chaal-dhaal” ki wajah se tanqeed ka samna karna padta tha. Unke speech coach ne unhein mashwara diya ke aisi adaayen future mein mushkilaat paida kar sakti hain. Karan ne teen saal tak coach aur unki wife se training li aur mardon ki tarah chalna, bolna seekha.

Bharati show Dining with the Kapoors ne release hote hi social media par dhoom macha di. Raj Kapoor ki 100vi salgirah ke mauqe par Kapoor khandan ke members ko ek saath dinner table par laya gaya. Episode mein Ranbir, Kareena, Karisma, Saif aur dusre stars ne shamil ho kar family vibes aur mazedar guftagu dikhai, jiska fans ne shiddat se jawab diya.