Atif ne fees se mutaliq jawab diya! unhone kaha ke woh ab us maqam par hain jahan har show par jaane ki zaroorat nahi. Jo log kehte hain ke woh bhari fees maangte hain, unka matlab hota hai ke wo Atif ko bulana chahte hain. Atif ne kaha ke unhein izzat Allah ne di hai jiski woh qadar karte hein.

Bollywood ke Mr. Perfectionist Aamir Khan ne phir se apni shaistagi aur khuloos se fans ke dil jeet liye. Aamir ne achanak apni pehli wife Reena Dutta ki art exhibition mein hosh uda diya, Nehru Center Art Gallery mein. Fans ne dono ke friendly rishton ki tareef ki aur Reena ki painting ko bhi saraha.

Mahika Sharma ne Hardik Pandya se mangni ki afwahon ka jawab de diya! Social media par unki shiny ring ne fans ko confuse kiya, lekin Mahika ne clear kar diya ke “main bas roz khoobsurat jewelry pehanti hoon.” Usne maze se ye bhi kaha ke agli afwah “pregnancy” ki ho sakti hai. Dono ki romantic posts ne speculation aur barha diya hai.

Bollywood actress Shraddha Kapoor ke pairon ki ungli shoot ke douran fracture ho gayi, jis ki wajah se unki film ki shooting temporarily rok di gayi. Dance sequence ke douran weight ghalat pairo par pada aur balance bigad gaya. Director Lakshman Utekar ne shooting rok di, lekin Shraddha ne phir bhi kaam jaari rakhne ki koshish ki.

Pakistani drama industry ke superstars Fawad Khan aur Mahira Khan ne fans ke dil jeet liye. Fawad ne khule dil se apne fans ki support aur wafadari ka shukriya ada kiya, jis par Mahira Khan bhi emotional ho gayin. Dubai mein film Nilofar ki promotion ke doran yeh jazbati lamha capture hua.

Hollywood ke megastar Tom Cruise shandar comeback ke liye tayyar! 63 saal ki umar mein bhi Cruise bilkul slow nahi ho rahe. Top Gun 3 2028 mein shoot hogi, jabke Edge of Tomorrow 2 2026 ke end par floors par ja rahi hai. Christopher McQuarrie ke saath Broadsword bhi finalize aur pehli dafa non-action film Oscar-winner Iñárritu ke saath!

Sonya Hussyn ne Nadia Khan ki Talha Anjum par on-air tanqeed ko beja qarar dete hue kaha ke koi bhi funkaar criminal jaisa bartao deserve nahi karta. Unhon ne wazahat ki ke fan ki mohabbat par Indian flag uthana kisi ghaddari ka saboot nahi. Sonya ke mutabiq Talha ek self-made artist hai jise izzat milni chahiye, na ke zaleel karna.

Feroze Khan ne ek interview mein bataya ke social media ki nafrat, court ke chakkar aur bachon se doori ne unhein gehri zehni kashmakash mein daal diya. Unhon ne kaha ke woh ek dafa behosh ho gaye aur apni zindagi khatam karne ka socha. Feroze ke mutabiq unki walida ki duaon ne unhein wapas zindagi ki taraf lautaaya.

Pakistani drama Meri Zindagi Hai Tu sirf chaar episodes mein 50 million views cross karke massive hit ban gaya hai. Bilal Abbas Khan aur Hania Aamir ki onscreen chemistry ne social media par zabardast buzz create kiya hai. Kuch logon ne drama ko zyada “looks-focused” qarar diya, lekin digital platforms par iski popularity tezi se barhti ja rahi hai.

Toronto ke club mein Iqra Aziz, Yasir Hussain aur Saheefa Jabbar ke darmiyan ek ghalat fehmi ki wajah se jhagra ho gaya. Saheefa ke mutabiq Yasir zara zyada friendly behave kar rahe the, jis par Iqra naraaz ho gayi aur unhone gusse mein Yasir par drink phenki aur Saheefa ko thappad bhi mara, magar saheefa ne mana galati zyada iqra ki thi.