Reality show ‘Tamasha’ ke purane contestant aur rapper King Hassan ne Samiya Hijab par ‘Aurat Card’ istemal karne ka ilzam lagaya hai. Aik interview mein unhon ne bataya ke Samiya raat ko plan karti thin ke agli subah kis se larai karni hai aur phir logon ko behkati thin.
Iqrar ul Hassan ke bete Pehlaaj Hassan ne Golden Man ban kar sadkon par aik social experiment kiya hai. Unhon ne aik ghante tak sadak par reh kar logon ka rawaiya dekha, jahan unhein nazar andaz kiya gaya aur logon ne unhein tanqeed ka nishana banaya. Is video par sarfeen ki taraf se mukhtalif rad-e-amal samne aa raha hai.
Sabiq adakara Komal Aziz Khan ki photoshoot mein wazeh wazan barhne par social media par behas shuru ho gayi hai. Fans ne unki sehat aur lifestyle par sawalat uthaye. Jis par Komal ne afsos ka izhar karte hue kaha ke khawateen ko doosri khawateen ke sath hamdard honi chahiye aur aise sawal nahi puchne chahiyen.
Maroof adakara Sarah Khan aur unke shohar Falak Shabir ne apni beti Alyana ki paanchvein saalgirah dhoom dhaam se manayi hai. Dono ne social media par saalgirah ki khoobsurat tasaveer share karte hue apni beti ke liye muhabbat bhara paigham likha. Is taqreeb ki tasaveer ko fans bohot pasand kar rahe hain.
Hit drama serial ‘Mitti De Baway’ ke shaadi wale scene ki khoobsurat aur mazedar BTS pictures samne aa gayi hain. Adakar Mubashir Mehmood aur Amar Khan ne set se 90s fashion ki yeh tasaveer share ki hain. Fans shaadi ke is mahol aur aage aane wale twists ke liye bohot excited hain.
