Maroof dermatologist Dr. Fazeela Abbasi ki sakht pilates fitness routine ki video social media par viral ho gayi hai. Hamza Ali Abbasi ki behan Dr. Fazeela ne rasiyon par latak kar apna mushkil workout bohot maharat aur confidence ke sath poora kiya. Unka yeh fit and active style fans ko bohot pasand aa raha hai.
Adakar Fazal Hussain ne drama ‘Mitti De Baway’ mein Wahaj Ali ke bachpan ka kirdar nibhane par apne ta’assurat ka izhar kiya hai. Unhon ne bataya ke wo pehle yeh role lene par kafi uljhan ka shikar the kyun ke log muqabla aur tanaqeed shuru kar dete hain, lekin fans se milne wala pyar unexpected tha.
Maroof vlogger Maaz Safder aur unki wife Saba ne teesri pregnancy ka elan kar diya hai. Unhon ne apne vlog mein yeh khushkhabri fans ke sath share ki. Lekin doosre bachay ke baad itni jaldi teesre bachay ki khabar par internet sarfeen ne dono ko sakht tanqeed ka nishana banaya hai.
Popular adakara Yumna Zaidi ne kaam ke silsile mein ghar se door jaane par apne jazbaat ka izhar kiya hai. Unhon ne bataya ke flights aur unke aansuon ka purana rishta hai, lekin ab wo iski aadi ho chuki hain. Unki yeh jazbati post social media par kafi pasand ki ja rahi hai.
Drama serial ‘Dar-e-Nijat’ mein Durefishan Saleem ke kirdar ‘Zaryab’ par unki behen aur Dananeer Mobeen ki rai samne aayi hai. Durefishan ki behen ne chaha ke Zaryab mardon ko chhor kar wapas Harvard chali jaye aur apni zindagi jiye. Is baat se ittefaq karte hue Dananeer ne kaha ke koi mard is qabil nahi.
