Pakistani Drama Industry Me Aaj Kal Dulhan Ki Janib Se Shadi Ki Pehli Raat Shohar Ko Kamre Se Bahar Nikaalne Ka Aik Naya Trend Chal Para Hai. Shaidai, Bas Tera Saath Ho Aur Tere Bin Jese Maqbool Dramon Me Aise Scenes Dikhaye Gaye Hain, Jis Par Awam Dilchasp Tabsaray Kar Rahi Hai,
Maroof Adakaar Raeed Muhammad Alam Ne Aik Podcast Me Khulasa Kiya Hai Ke Career Ke Shuru Me Rone Ka Scene Karte Hue Senior Adakaar Nauman Ijaz Ne Unhein Thaper Mara Tha. Unhon Ne Bataya Ke Wo Glycerine Istimal Nahi Kar Sakte Thay, Jis Par Nauman Ijaz Ne Behtareen Acting Karwane Ke Liye Aisa Kiya.
Maroof Host Aur Adakaara Nadia Khan Ne Apne Show Kya Drama Hai Me Drama Serial Bas Tera Saath Ho Me Salman Shahid Ke Kirdar Aur Dialogues Ka Mazaq Uraya Hai. Unhon Ne Dada Ji Ke Kirdar Ko Cringe Aur Flirtatious Qarar Dete Hue Kaha Ke Unki Guftagu Nihayat Nagawaar Aur Gair-Munasib Thi.
Adakaara Kinza Hashmi Ne Aaj Kal Ke Mashhoor Pakistani Dramon Ke Hit Hone Par Baat Ki Hai. Unhon Ne Kaha Ke Kabhi Kabhi Aise Drame Hit Ho Jate Hain Jo Bilkul Achay Nahi Hotay Aur Log Ghaltiyan Nikal Rahe Hotay Hain, Jis Se Unhein Kafi Shadeed Ghabrahat Hoti Hai.
Maroof showbiz jori Farhan Saeed ne apni ahliya aur adakaara Urwa Hocane ki saalgirah par Instagram par aik pyari video share karte hue unhein Mubarakbaad di hai. Beti Jahan Aara ke waldein, Farhan aur Urwa ne zindagi me kaafi utaar charhao dekhe hain aur ab dono jald hi alag alag projects me nazar aane wale hain.
