Pakistan ka famous drama serial Zanjeerein ke baad Danyal Zafar jald hi Green Entertainment ke naye drama Raqqas me adakaara Komal Meer ke sath nazar ayein ge. Nathiagali me shoot hone wale is drame ko Radain Shah ne likha hai aur iske director Shahid Shafaat hain. Fans is jori ke liye behad betaab hain.
Pakistani adakaara Kubra Khan ne apni salgirah Bollywood sitaron ke sath manayi hai, unhon ne is mauqe par mashoor Indian actress Sara Ali Khan aur senior adakaara Sharmila Tagore ke sath waqt guzara. Dono mulkon ke sitaron ki is mulaqaat ko social media par kaafi pasand kiya ja raha hai.
Senior adakaara Sania Saeed ne Pakistani dramon me dosre mazahib ki numaindagi na hone par afsos ka izhaar kiya hai. Unhon ne drama Meherposh ki misal dete hue kaha ke jab director ne isme aik Hindu kirdaar shamil kiya, to awam ne is par sakht aitrazat uthaye jaise Pakistan me Hindu rehte hi nahi hain.
Zaviyar Nauman Ijaz ne apni walda ki gair-mojoodgi me zindagi par dilchasp baat ki hai. Unhon ne bataya ke jab ammi pass na hon to lagta hai jannat me aa gaye hain, kyun ke phir koi subah uthane wala nahi hota aur wo shaam tak sukoon se so sakte hain.
Mashoor influencer Dr. Warisha Javed Khan aur unke shohar Azlan Shah ne “Bint-e-Fatima Old Home” ka vist kiya, jahan buzurgon ki dastanain sun kar wo ro pareen. Do saal ki beti ki maa hone ke nate, Warisha ne bacchon ke is rawaiye par afsos kiya aur un se waldeen ko ghar wapas le jane ki guzarish ki.
